“Barselona”dan daxshatli “comeback”

Ushbu bosqichda Ispaniyaning “Barselona” klubi o'z uyida Franciyaning PSJ jamoasini qabul qildi va raqiblarini yirik 6:1 hisobida er tishlatdi.

PSJ va “Barselona” jamoalari o'rtasidagi birinchi uchrashuv 4:0 hisobida yakunlangani ko'pchilikni xayratga solgandi. Ayrim muxlislar PSJni keyingi bosqichga chiqarib qo'ygandi. Lekin “Kamp Nou”da parijliklarni qanday o'yin kutayotganini “Barselona”dan boshqa hech kim bilmas edi. Kecha tunda, barcha kutgan daxshatli uchrashuv bo'lib o'tdi. Unda butun dunyodagi futbol muxlislari ikkiga ajralgan bo'lsa ajabmas. Kechagi tunni PSJ futbolchilari bir umrga yodlaridan chiqarmasa kerak. Hech kim “Barselona”dan bunday o'yin kutmagandi. 

“Ko'k-anorranglilar” PSJni shunchaki mag'lubiyatga uchratishmadi, ular parijliklarga “Kamp Nou”ning chiqish eshiklarini ko'rsatib qo'yishdi. Unai Emare “Barselona”dan qaqshatqich mag'lubiyat bilan Franciyaga yo'l oldi va ECHL musobaqasidagi o'z yurishini mana shu bosqichda to'xtatishga majbur bo'ldi. Urshashuvda "Barselona" 3:0 hisobi oldinda borayotganda PSJ futbolchisi Edinson Kavani Ter SHtegen darvozasini ishg'ol qildi va qaysidur manoda o'zlarini keyingi bosqichga chiqdik, deb o'ylagan bo'lsa ajabmas. Mana shundan so'ng parijliklar himoyaga yotib olishdi va o'ziga hos “avtobus”ni xosil qilishdi. Afsuski, bunday taktika bilan “Barselona”ni mag'lub etib bo'lmasdi. PSJning eng katta xatosi mana shunda edi. 

Parijliklarda o'yinni tubdan o'zgartirish va hisobni tenglashtirish uchun ikkita golga tortadigan ajoyib imkoniyat bo'ldi. Ammo ushbu imkoniyatlarning bittasini Edinson Kavani ko'kka sovurgan bo'lsa ikkinchisida Anxel Di Mariya darvozabon bilan birga-bir vaziyatga chiqib bordi va Ter SHtegen darvozasini ishg'ol qila bilmadi. SHundan so'ng “kataloniyaliklar” yanada oldinga o'tishga va raqib darvozasini ishg'ol qilishga urindi. Uchrashuv boshlanishidan avval “Barselona” jamoasi futbolchisi Neymar OAVga qarata “PSJ darvozasiga 2 ta gol urishga vada beraman” deya takidlagandi. Kecha futbolchi mana shu vadasining ustidan chiqdi va raqib darvozasini ikki bor ishg'ol qildi. 

Birinchi golini jarima zarbasidan unumli foydalangan holda to'pni darvoza to'riga joylab qo'ygan bo'lsa ikkinchi golini penaltidan raqib darvozasini ishg'ol qildi va jamoadoshlari joniga oro kirdi. Hakam tomonidan mana shu belgilangan penalti qanchalik xaqli edi, bilmadim. Lekin qarorni maydonda hakam chiqaradi, biz esa uni o'zgartirmaymiz, o'zgartiraolmaymiz ham.  Ushbu bahs yakunlanishiga 1 daqiqa qolganida Serjio Roberto PSJ darvozasiga tarixiy golni urdi va jamoasiga keyingi bosqich yo'llanmasini taqdim etdi. 

Serjio Robertoning golidan so'ng “Nou Kamp” larzaga keldi. “Barselona” o'ziga xos “comeback”ni amalga oshirdi. PSJ futbolchilari esa xuddi, yomon tush ko'rayotgandek edi. Bir tarafda “Barselona” klubi azolari quvonch ko'z yoshlarini to'kayotgan bo'lsa ikkinchi tarafda Unai Emeri va PSJ futbolchilari mag'lubiyat alamidan ko'z yoshlarini tiya olishmadi. 

Jahongir Sotvoldiev