Canjar Rihsiboev: "Qo'qon-1912"ga qarshi o'yinga 100 foiz tayyormiz"
/ Kiritdi: BestMaster O'qilgan: 846
Oliy liganing 2-turidan o'rin olgan "Obod" - "Qo'qon-1912" jamoalari o'rtasidagi uchrashuv qiziqarli o'tishiga shubha yo'q.
1-turda mag'lubiyat alamini totib ko'rgan klublar endi ochko yo'qotmaslik uchun bor imkoniyatini ishga soladi. Biz uchrashuv oldidan mezbonlar yarim himoyachisi Sanjar Rihsiboevning fikrlari bilan qiziqdik.
- Aytishim kerak, "Qo'qon-1912"ga qarshi o'yinga barchamiz 100 foiz tayyormiz. Ertaga maydonga faqat g'alaba maqsadida chiqamiz va maqsadimizga erishishga harakat qilamiz. Namangandagi bellashuvdan keyin mazkur bahsga kuniga ikki mahaldan mashg'ulot o'tkazib, tayyorgarlik ko'rdik. CHunki raqib jiddiy ekanligini, o'z oldiga yuqorini o'rinlarni egallashni maqsad qilib qo'yganini, tarkibida mahoratli futbolchilar borligi bilamiz. Ammo aytishadiku, maydonda nomlar rol o'ynamaydi, deb!
O'z maydonimizdagi birinchi bahs bo'lgani tufayli baribir qandaydir bosim bo'ladi, biroq biz bu bosimdan tezda chiqib ketishimizga ishonaman. "Navbahor"ga qarshi bellashuvdagi mag'lubiyatni unutdik. Barchamiz ertanggi bahsga ham ruhan ham jismonan tayyormiz. Birinchi turdagi mag'lubiyatdan so'ng xatolar ustida ishladik. Kamchiliklarimizni bartaraf etishga harakat qildik.
"Obod" matbuot xizmati
Bosh sahifaga
210
