"Vodiy futboli": Klublar 26-turga tayyorgarlikni davom ettirishmoqda

"Andijon" kecha vodiy derbisiga tayyorgarlikni boshladi

O'tgan turda "Metallurg"ni mag'lubiyatga uchratgan "Andijon" jamoasi vodiy derbisida "Neftchi"ga qarshi bahsga tayyorgarlikni boshladi. Bu haqda "Qo'qon-1912" klubi rasmiy sayti xabar berdi.

Bekobodliklar bilan bo'lgan o'yindan keyin Sergey Kovshov futbolchilarga dam bermadi va ertasidan mashg'ulotlarga kirishildi. 21 oktyabr kuni jamoamiz Farg'onada "Neftchi"ga qarshi maydonga tushadi.

Vodiy derbisi bo'lgani uchun bu o'yinning ahamiyati yuqori. Qolaversa, har bir uchrashuvda andijonliklarga ochko kerak. Derbiga jamoamiz puxta hozirlik ko'rmoqda. "Metallurg" bilan bahsni diskvalifikaciya tufayli o'tkazib yuborgan Ibrohim Otaxonov safga qaytdi va "Neftchi"ga qarshi maydonga tushadi. Bundan tashqari bu yil "Andijon" sharafini himoya qilishayotgan Iqbol Akramov, Sanjar Asqaraliev, SHukur Jumaboev, Eldor Isaboev, Javlon Guseynov, Anvar Berdiev, Iqbol Boboxonov va Abdulloh Olimov sobiq jamoasiga qarshi to'p suradilar. Ular o'z vaqtida "Neftchi"da faoliyat olib borishganini muxlislar yaxshi bilishadi.   


"Qo'qon-1912": Tayyorgarlik davom etmoqda

25-turda muxlislarni quvontirgan  “Qo'qon-1912” jamoasi futbolchilari “Navbahor”ga qarshi bahsga tayyorgarlikni davom ettirishmoqda. Bu haqda "Qo'qon-1912" klubi rasmiy sayti xabar berdi.

Tabiatning injiqliklariga qaramay,  futbolchilar mashg'ulotlarda astoydil ter tukmoqdalar.

Barchaning kayfiyati alo. Jamoamizga navbatdagi o'yinda ham omad tilab qolamiz.

"Navbahor": "Qo'qon-1912" bilan o'yinga tayyorgarlik kecha boshlandi

Namanganning "Navbahor" klubi azolari 21 oktyabr kuni bo'lib o'tadigan uchrashuvga tayyorgarlikni davom ettirishmoqda. "Qo'qon-1912" bilan o'yinga tayyorgarlik 18 oktyabr kuni boshlanganligini aytib o'tish joiz. Bu haqda "Navbahor" klubining tvitterdagi rasmiy sahifasi xabar berdi.

26-turdan o'rin olgan "Navbahor" - "Qo'qon-1912" uchrashuvi 21 oktyabr kuni soat 16.00da "Navbahor" o'yingohida boshlanadi.

Ertaga bo'lib o'tadigan yoshlar o'rtasidagi o'yin esa "Navbahor" o'yingohida soat 15.00da boshlanadi.