Sergey Lushchan: “Zob Ohan"ga qarshi o'yin uchun tayyorlagan rejamiz bor"
/ Kiritdi: BestMaster O'qilgan: 917
Osiyo CHempionlar Ligasi–2017 turniri “S” guruhi 3-turidan o'rin olgan “Bunyodkor” – “Zob Ohan” uchrashuvi oldidan tashkil etilgan matbuot anjumanining ikkinchi qismida “qaldirg'ochlar” ustozi Sergey Lushchan va klub azosi Nurullo To'xtasinov o'z fikrlarini bildirib o'tdi.
“Ertangi o'yinda g'alaba qozonishimiz zarur. Bizga oson bo'lmaydi, ammo buning uchun harakat qilamiz. “Bunyodkor” yoshlarga ishonishda davom etadi, ular o'zbek futbolining kelajagi. Akram Komilov qizil kartochkasi tufayli bo'lajak o'yinni o'tkazib yuboradi. Eldor SHomurodovda biroz charchoq alomatlari bor. Bundan tashqari, u terma jamoa oldida turgan muhim o'yin uchun jalb qilingan. Ertaga nima bo'lishini faqat vaqt ko'rsatadi.
Bo'lajak o'yin uchun tayyorlagan rejamiz bor. Bundan tashqari boshqa rejalar ham tuzib qo'yganmiz. Ammo ular haqida hozir ayta olmayman. Barchasi ertaga maydonda namoyon bo'ladi”, – dedi Sergey Lushchan.
“Bunyodkor” ertaga faqat g'alaba uchun maydonga tushadi. Jamoa bunga tayyor, ichki muhit ham yaxshi. SHuning uchun ertangi bahsda muvaffaqiyatga erishmoqchimiz. “Zob Ohan”dan qo'rqmasdan harakat qilamiz”, – deya o'z fikrini bildirdi Nurullo To'xtasinov.
Eslatib o'tamiz, “Bunyodkor” – “Zob Ohan” bellashuvi ertaga, 13 mart kuni bo'lib o'tadi. Uchrashuv Toshkentdagi “Bunyodkor” stadionida soat 18:00 da boshlanadi.
Bosh sahifaga
1651