Mujtaba Xusayni: "Eldor SHomurodov maydonga tushmagani uchun unchalik ham qiyinchiliklarga duch kelmadik"

“Jamoa bir necha kun oldin Eron chempionatida qiyin uchrashuv o'tkazganiga qaramay, bugun muvaffaqiyat qozondi. Bugungi o'yin uchun shogirdlarimdan minnatdorman. Har bir o'yinda bor kuchimiz bilan harakat qilamiz. Rostini aytganda, “Bunyodkor”dan bunday o'yinni kutmagandim. Ular avvalgi bahslarda yaxshiroq harakat qilishgandi. Bugungi bellashuvda ham ular osonlikcha taslim bo'lishmadi. Eldor SHomurodov maydonga tushmagani uchun unchalik ham qiyinchiliklarga duch kelmadik. Qolaversa, men raqib futbolchilari haqida gapirishni unchalik ham xohlamayman”, – dedi “Zob Ohan” ustozi.   

Eslatib o'tamiz, “Bunyodkor” guruh bosqichida qatorasiga uch o'yinda mag'lubiyatga uchradi va so'nggi – 4-pog'onani band qilib turibdi. “Zob Ohan” 4 ochko bilan hozircha ikkinchi o'rinda bormoqda.