"Borussiya" Kastro bilan shartnomani uzaytirdi

29 yoshli futbolchining avvalgi kelishuvi 2019 yilning yozida yakuniga etishi kerak edi, ammo tomonlar bitimni uzaytirishga qaror qilishdi. Yangi shartnoma 2020 yilning 30 iyunigacha belgilangan.

"Ishonch uchun rahbariyatdan minnatdorman. "Borussiya"da o'ynashimdan va qora-sariq futbolka kiyishimdan faxrlanaman" - deydi Kastro.

Kastro 2015 yilda "Bayer"dan "Borussiya"ga o'tgan. Gonsalo joriy mavsumda 31 ta uchrashuvda maydonga tushib, 3 ta gol urdi va 7 ta golli pas berdi.