Oliy liga. 3-tur prevyusi

Oliy liga. 3-tur.
Navbahor (Namangan) – Neftchi (Farg'ona)
16 mart 2017. Namangan. "Markaziy" stadion. 17:00
Hakamlar: Ravshan Ermatov (Toshkent), Abduhamidullo Rasulov (Toshkent), Jahongir Saidov (Toshkent), Aleksandr Lupashko (Toshkent)
Nazoratchi: Andrey Klepikov (Toshkent).
PFLUz vakili: Noil Lutfulin.

"Navbahor" mavsumning dastlabki ikki uchrashuvida 3 ochko to'pladi. Ilk turda Ilhom Mo'minjonov shogirdlari "Obod"ni mag'lub etishdi va safarda "Qizilqum"ga yutqazishdi.

"Neftchi" hozircha 1 ochkoga ega. Farg'onaliklar birinchi turda G'uzorda "SHo'rtan"ga yutqazib o'z maydonida "Paxtakor" bilan durang o'ynadi.

2011 yildan buyon "Navbahor" o'z uyida "Neftchi"ga mag'lub bo'lmayapti. Yani "Lochinlar" "Neftchi" bilan o'z maydonidagi so'nggi beshta uchrashuvda 3ta g'alaba va 2ta durang qayd etishdi.

O'tgan yil "Neftchi"da o'ynagan Alisher Samatov, Jahongir Mehmonov va Mansur Saidov bu yil "Navbahor" safida o'ynashmoqda. O'z navbatida Akrom Bahritdinov qishda "lochinlar" safidan "Neftchi"ga ko'chib o'tdi.

NAVBAHOR	Ko'rsatkich	NEFTCHI
50	O'yin	50
13	Yutuq	25
12	Durang	12
25	Mag'lubiyat	13
50	Gol urgan	75
75	Gol o'tkazgan	50
51	Ochko	87

SHo'rtan (G'uzor) – Mashal (Muborak)
18 mart 2017. G'uzor. "G'uzor" stadioni.
Hakamlar: Valentin Kovalenko (Toshkent), Ruslan Serazetdinov (Toshkent), Nabijon Ro'zimov (Toshkent), Naim Qosimov (Qarshi)
Nazoratchi: Oleg Rubakov (Toshkent).
PFLUz vakili: Axrol Inoyatov.

"SHo'rtan" hisobida ham, "Mashal" hisobida ham ayni paytda 3 ochko bor. G'uzor klubi o'z uyida "Neftchi"ni mag'lub etdi va Samarqandda "Dinamo"ga yutqazdi. "Mashal" esa dastlabki ikki uchrashuvni ham o'z uyida o'tkazdi. Ilk turda "Lokomotiv"ga yutqazgan Xomyakov shogirdlari "Metallurg"dan ustun kelishdi.

"Mashal" oxirgi uchta o'yinda "SHo'rtan"ga safarda umuman gol ura olmagan va bir xil 0:1 hisoblarida mag'lub bo'lgan.

O'tgan yil "Mashal"da o'ynagan Siroj Hamroev bu mavsum "SHo'rtan"da faoliyat olib bormoqda. 

SHO'RTAN	Ko'rsatkich	MASH'AL
20	O'yin	20
8	Yutuq	11
1	Durang	1
11	Mag'lubiyat	8
19	Gol urgan	33
33	Gol o'tkazgan	19
25	Ochko	34

Qo'qon-1912 (Qo'qon) – Qizilqum (Navoi)
18 mart 2017. Qo'qon. "Markaziy" stadion.
Hakamlar: Vladislav Ceytlin (Toshkent), Alisher Usmonov (Toshkent), Timur Gaynulin (Toshkent), SHavkat Nasibullaev (Toshkent)
Nazoratchi: Baxtiyor Tog'aev (Toshkent).
PFLUz vakili: Valeriy Lyotkin.

Dastlabki ikki turda "Qo'qon-1912" bir, "Qizilqum" uch ochko to'pladi. Vodiy klubi o'z uyida "Nasaf"ga yutqazdi va Toshkentda "Obod" bilan durang o'ynadi. "Qizilqum" esa Toshkentda "Paxtakor"ga imkoniyatni boy berdi va Navoiyda "Navbahor"ni taslim qildi.

"Qo'qon-1912" ushbu jamoa bilan 10ta o'yin o'tkazib faqat ikki marta mag'lub etgan. Ikkala safar ham uchrashuv Qo'qonda o'tgan.

"Qo'qon-1912" yarim himoyachisi Otabek Zokirov bu yil "Qizilqum"ga o'tdi.

QO'QON-1912	Ko'rsatkich	QIZILQUM
10	O'yin	10
2	Yutuq	7
1	Durang	1
7	Mag'lubiyat	2
10	Gol urgan	25
25	Gol o'tkazgan	10
7	Ochko	22

Buxoro (Buxoro) – Obod (Toshkent)
18 mart 2017. Buxoro. "Buxoro" stadioni.
Hakamlar: Baxtier Namozov (Toshkent), Ravil SHoyaxmetov (Toshkent), Andrey Snetkov (Toshkent vil.), Ravshan Abduvohidov (Qarshi)
Nazoratchi: Xushvaqt Muxtorov (Samarqand).
PFLUz vakili: Bobur Haydarov.

"Buxoro" hozircha bitta g'alaba va bitta mag'lubiyat qayd etdi. Ilk turda Ulug'bek Baqoev shogirdlari "Olmaliq"dan ustun kelib ikkinchi turda "Nasaf"ga imkoniyat boy berildi. "Obod" esa dastlab "Navbahor"ga safarda yutqazdi va o'z maydonida "Qo'qon-1912" bilan murosaga keldi.

Bu jamoalar oliy ligada faqat ikki marta to'qnash kelishgan. Hozircha "Obod" "Buxoro" darvozasiga umuman gol ura olmagan.

BUXORO	Ko'rsatkich	OBOD
2	O'yin	2
1	Yutuq	0
1	Durang	1
0	Mag'lubiyat	1
1	Gol urgan	0
0	Gol o'tkazgan	1
4	Ochko	1

So'g'diyona (Jizzax) – Olmaliq (Olmaliq)
18 mart 2017. Jizzax. "Jizzax" stadioni.
Hakamlar: Ilgiz Tantashev (Buxoro), Xusnudin SHodmonov (Buxoro), Abdurahmon Qo'ldoshev (Buxoro), SHuhrat Rajabov (Buxoro)
Nazoratchi: Farxod Abdullaev (Toshkent).
PFLUz vakili: Aleksey Frolov.

"So'g'diyona" dastlabki ikki turda ham mag'lub bo'ldi. Davron Fayziev shogirdlari Toshkentda "Bunyodkor" va "Lokomotiv"ga yutqazib qo'ydi.

"Olmaliq" esa "Buxoro"ga yutqazib, "Bunyodkor" bilan durang o'ynadi.

“So'g'diyona” o'z maydonidagi o'yinlarda bu raqibga umuman yutqazmagan. To'rt bor g'alaba qozongan va 3 marta durang o'ynagan. “So'g'diyona” uyida o'tgan oxirgi uchta bahsda gol o'tkazmagan.

"Olmaliq" yarim himoyachisi Doston Abdurahmonov qishda "So'g'diyona"ga ko'chib o'tdi.

SO'G'DIYONA	Ko'rsatkich	OLMALIQ
14	O'yin	14
5	Yutuq	5
4	Durang	4
5	Mag'lubiyat	5
22	Gol urgan	26
26	Gol o'tkazgan	22
19	Ochko	19

"Paxtakor" - "Dinamo" uchrashuvi 12 mart kuni bo'lib o'tdi. "Metallurg" - "Lokomotiv" va "Bunyodkor" - "Nasaf" uchrashuvlari esa terma jamoa o'yini tufayli boshqa muddatga qoldirilgan.



Narzulla Saydullaev tayyorladi