"CHelsi" Singapurda o'tkazadigan mavsumoldi yig'inda "Bavariya" va "Inter" bilan o'ynaydi

"CHelsi" Osiyodagi turne doirasida ikkita o'rtoqlik uchrashuvi o'tkazadi.

25 iyul kuni londonliklar "Bavariya" bilan, bir hafta o'tib "Inter"ga qarshi maydonga tushishadi. Ikkala bahs Xalqaro chempionlar kubogi doirasida o'tkaziladi.

22 iyul kuni "CHelsi" "Arsenal" bilan o'ynaydi, ammo London jamoalari Pekinda to'qnash keladi va shundan so'ng, Antonio Konte shogirdlari Singapurga yo'l olishadi.

"Yoz borasida rejalarga aniqlik kiritganimizdan xursandman. Singapurda yaxshi tayyorlanib, kuchli raqiblarga qarshi o'ynashimiz mumkin. Singapurda "CHelsi"ning millionlab muxlislari bor. Ular bilan uchrashuvni sabrsizlik bilan kutyapman. Bizni ikki tomoshabop o'yin kutmoqda" - deydi Konte.