U-23 Osiyo chempionati. Saralashdagi raqiblarimiz: BAA, Livan va Nepal
/ Kiritdi: BestMaster O'qilgan: 1205
Malayziya poytaxti Kuala-Lumpur shahrida bugun, 17 mart kuni 23 yoshgacha bo'lgan futbolchilar o'rtasida 2018 yili bo'lib o'tadigan Osiyo chempionati saralash bosqichiga qura tashlash marosimi bo'lib o'tdi.
Osiyo futbol konfederaciyasi (OFK)ga azo 40 mamlakat terma jamoasi G'arbiy va SHarqiy mintaqaga bo'lingan holda qurada ishtirok etdi. Qura natijasiga ko'ra, Jasur Abduraimov bosh murabbiyligidagi O'zbekiston U-22 termasi “D” guruhidan joy olib, saralash bosqichida BAA, Livan va Nepal termalariga qarshi bahs olib boradi.
2018 yilgi Osiyo chempionatiga saralash bosqichi shu yilning 15–23 iyul kunlari bo'lib o'tadi. O'zbekiston U-22 termasining saralash uchrashuvlari Birlashgan Arab Amirliklarda bo'lib o'tadi.
Guruh bosqichida 1-o'rinni egallagan 10 terma jamoa hamda 2-pog'onani egallagan eng yaxshi 5 jamoa final bosqichi mezboni – Xitoyga qo'shiladi. Agar Xitoy o'z guruhida birinchi o'ringa ega bo'lsa, 2-o'rinni egallagan eng yaxshi 6-jamoa final bosqichiga yo'l oladi.
Eslatib o'tamiz, Musobaqaning final bosqichi esa 2018 yilning 9–27 yanvar kunlari Xitoyda o'tkaziladi.
Bosh sahifaga
209
