"Paxtakor": Tarbiyalanuvchilarimiz xalqaro turnirlarda ishtirok etishadi

Dilshod Nuraliev boshqarayotgan 2002 yil tarbiyalanuvchilari 25 martdan 1 aprelga qadar Rossiyaning Sochi shahrida bo'lib o'tadigan sport ustasi va 1960 yilgi Evropa chempioni Valentin Bubukin xotirasiga bag'ishlangan turnirda ishtirok etadi.

25-30 mart kunlari Qozog'istonning Olma-Ota shahrida 2003 yilda tavallud topgan yoshlarimiz davlat arbobi Nurlan Kapparov xotirasiga o'tkaziladigan musobaqada kuchlarini sinab ko'rishadi. Dmitriy An shogirdlari turnirda "Qayrat", "Jasqiran", "Zenit", Turkmaniston, Tojikiston, Xitoy va Qirg'iziston vakillari bilan bellashadi.

Stanislav Kudryashov boshqarayotgan 2001 yil jamoasi 3-8 aprel kunlari Krasnodarda Sergey Vaxrushev xotira turnirida qatnashadi. Musobaqada "Krasnodar", "CHertanovo", "Rubin", BATE, "Lokomotiv", "Septembri" Sofiya va "Galatasaroy" jamoalari tarbiyalanuvchilari ishtirok etishlari ham mo'ljallangan.