O'rtoqlik uchrashuvi. “Cementchi” – “Norin” 0:1

Uchrashuvda xar ikkala jamoa murabbiylari deyarli barcha futbolchilarini nazoratdan o'tkazib olishdi. O'rtoqlik uchrashuvi bo'lishiga qaramay jamoasining o'yinlarini sog'inib qolgan ko'plab quvasoylik muxlislar stadionga tashrif buyurishdi.  O'yin kutilganidek keskin kurashlarga boy tarzda o'tdi. Lekin ko'p vaziyatlarda futbolchilar mavsumga to'liq tayyor emasligi ko'rinib qoldi. 

Uchrashuvning ikkinchi bo'limi 59 daqiqasida mezbon jamoa futbolchilari maydon markazida xatoga yo'l qo'yishdi. Yolg'iz qolgan “Norin” xujumchisi darvozabon bilan birga-bir vaziyatga chiqib bordi va “Cementchi” darvozasini ishg'ol qildi 0:1 Qolgan daqiqalarda har ikkala jamoada darvozaga yana gol kiritish uchun ko'plab vaziyatlar yaratildi, ammo uchrashuvda boshqa hisob o'zgarmay qoldi. SHu tariqa qiziqarli kechgan bahs xaqqulobodliklarning 0:1 hisobidagi g'alabasi bilan yakunlandi.

“Cementchi” matbuot xizmati Zuxriddin Abdullajonov