Andrey Miklyaev: "CHempionlik uchun oxirigacha kurashamiz"
/ Kiritdi: BestMaster O'qilgan: 1417
"Lokomotiv" - "Buxoro" (2:0) uchrashuvidan keyin tashkil etilgan matbuot anjumanining birinchi qismida mezbonlar murabbiyi Andrey Miklyaev qatnashdi.
"G'alaba qozonganimizdan xursandman. Birinchi bo'limda juda og'ir kechdi, raqib himoyasini yorib o'ta olmadik. Bundan tashqari penaltidan gol ura olmadik. Ikkinchi bo'limda baribir maqsadimizga erishdik va g'alaba qozondik. Hisob o'yinga mos bo'ldi. Biz yana gol urishimiz mumkin edi. Bugun to'p o'tkazmoqchi emasdik, bunga erisha oldik", - deydi Andrey Miklyaev.
- Abramov ketgach siz jamoada qanday o'zgarishlar amalga oshirdingiz?
- Biz ikki yildan buyon jamoani qurayapmiz. SHu bois katta o'zgarishlarni amalga oshirmadik. Barchasi reja bo'yicha ketmoqda.
- "Paxtakor" hozircha 4 ochko oldinda, lekin ularni qiyin o'yinlar kutib turibdi. Masalan, ertaga "Bunyodkor"ga qarshi bahs, keyingi turda "Nasaf" bilan o'yin...
- Barchasi "Paxtakor"ning qo'lida. Lekin bu futbol, bizda imkon bor ekan chempionlik uchun oxirigacha kurashamiz. Albatta "Paxtakor"ning ochko yo'qotishini kutamiz, o'zimiz esa 4ta o'yinning barchasida g'olib bo'lishimiz kerak. O'tgan turda 2:0 hisobida oldinda edik, o'yin esa 2:2 hisobida tugadi. Yigitlar ruhan o'zlariga kelib olishganidan xursandman.
Bosh sahifaga
216
