Dinamoning ikki futbolchisi O'zbekiston yoshlar terma jamoasi bilan Qatarga jo'nab ketdi

2017-03-22 15:30:02 / Kiritdi: BestMaster O'qilgan: 949

Jasur Abduraimov bosh murabbiyligidagi O'zbekiston U-22 yoshlar terma jamoasi 21–27 mart kunlari Qatar poytaxti Doha shahrida o'quv-mashg'ulotlar yig'inini o'tkazadi.

Yig'in doirasida Jasur Abduraimov shogirdlari 23 mart kuni Qatar U-22 termasiga qarshi, 25 mart kuni esa Kanada U-22 termasiga qarshi o'rtoqlik uchrashuvi o'tkazadi.

Ushbu yig'inga Dinamo asosiy tarkibining ikki vakili – 1996 yilda tug'ilgan yarimhimoyachilarimiz Javohir Qahramonov va Abdujamol Isroilovlar taklif etilishgan.

21 mart kuni Qatarga jo'nab ketgan futbolchilarimiz 24 mart kuni bo'lib o'tadigan O'zbekiston Kubogi doirasidagi Zominga qarshi bahsni o'tkazib yuborishadi. Har ikki futbolchi Navbahorga qarshi o'yin oldidan, 28 mart kuni klubimiz ixtiyoriga kelib qo'shilishi kutilmoqda.

Ushbu o'quv-mashg'ulot yig'ini O'zbekiston U-22 yoshlar terma jamoasi uchun 2018 yili Xitoyda bo'lib o'tadigan Osiyo CHempionatiga saralash bosqichi uchun tayyorgarlik vazifasini o'taydi.

Eslatib o'tamiz, 23 yoshgacha bo'lgan futbolchilar o'rtasidagi Osiyo CHempionati final bosqichi 2018 yilning 9–27 yanvar kunlari Xitoyda o'tkaziladi.

Teglar: dinamoning, ikki, futbolchisi, ozbekiston, yoshlar, terma, jamoasi, bilan, qatarga, jonab, ketdi,
← Oldinga Orqaga →