Deyan Jurjevich Qatar – Eron uchrashuvini kuzatish uchun Dohaga etib bordi

Qatar va Eron o'rtasidagi uchrashuv ertaga, 23 mart kuni Toshkent vaqti bilan 21:00 da boshlanishi rejalashtirilgan. O'yin Doha shahrida joylashgan Jassim Bin Hadam stadionida bo'lib o'tadi. O'zbekiston terma jamoasi esa ertaga Malayziyada Suriya bilan kuch sinashadi.  

O'zbekiston milliy terma jamoasi 28 mart kuni aynan Qatar bilan Toshkentda bahs olib borsa, 12 iyun kuni safarda Eron termasiga qarshilik ko'rsatadi.

Malumot uchun, saralash bosqichi “A” guruhi 5-turidan keyin Eron terma jamoasi 11 ochko bilan peshqadamlik qilayotgan bo'lsa, Janubiy Koreya 10 ochko bilan 2-o'rinni band qilib turibdi. Kuchli uchlikdan hisobda 9 ochko bo'lgan O'zbekiston terma jamoasi joy olgan. Keyigni o'rinlarni mos ravishda Suriya (5 ochko), Qatar (4 ochko) va Xitoy (2 ochko) terma jamoalari joy egallagan.