"Qo'qon-1912": Ikki futbolchimiz Qatarga ketdi
/ Kiritdi: BestMaster O'qilgan: 931
Jasur Abduraimov bosh murabbiyligidagi O'zbekiston U-22 yoshlar terma jamoasi 21–27 mart kunlari Qatar poytaxti Doha shahrida o'quv-mashg'ulotlar yig'inini o'tkazadi.
Yig'in doirasida Jasur Abduraimov shogirdlari 23 mart kuni Qatar U-22 termasiga qarshi, 25 mart kuni esa Kanada U-22 termasiga qarshi o'rtoqlik uchrashuvi o'tkazadi.
Ushbu yig'inga Qo'qon-1912 asosiy tarkibining ikki vakili – Javohir Sidiqov va Andrey Sidorovlar taklif etilishgan.
Yoshlar terma jamoasi bilan Qatarga jo'nab ketgan futbolchilarimiz 25 mart kuni bo'lib o'tadigan O'zbekiston Kubogi doirasidagi Surxonga qarshi bahsni o'tkazib yuborishadi. 28 mart kuni klubimiz ixtiyoriga kelib qo'shilishi kutilayotgan ushbu o'yinchilar 31 mart kuni bo'lib o'tadigan viloyati derbisi – “Neftchi”ga qarshi kechadigan bahsda maydonga tushishlari mumkin.
Takidlash joizki, ushbu o'quv-mashg'ulot yig'ini O'zbekiston U-22 yoshlar terma jamoasi uchun 2018 yili Xitoyda bo'lib o'tadigan Osiyo CHempionatiga saralash bosqichi uchun tayyorgarlik vazifasini o'tab beradi.
Eslatib o'tamiz, 23 yoshgacha bo'lgan futbolchilar o'rtasidagi Osiyo CHempionati final bosqichi 2018 yilning 9–27 yanvar kunlari Xitoyda o'tkaziladi.
Bosh sahifaga
1660