Bugun Tojikiston Bahrayn bilan o'rtoqlik uchrashuvi o'tkazadi

Tojikiston terma jamoasi 23 nafar futbolchi bilan Bahrayn poytaxti Manama shahriga etib bordi. Manamada jamoa ixtiyoriga Bolgariyaning Dunav klubidan Iskandar Jalilov, Bahrayn klubi azosi Nozim Bobojonov va Bolgariyaning Lokomotiv (Plovdiv) klubi vakili Parvizjon Umarboev qo'shilishdi.

Tojikiston terma jamoasi Downtown Rotana mehmonxonasiga joylashdi. Kecha Fuzaylov shogirdlari rasmiy o'yinoldi mashg'ulotni o'tkazishdi.

Bahrayn va Tojikiston o'rtasidagi bahs 23 mart kuni, Manamadagi Milliy stadionda bo'lib o'tadi. Uchrashuv mahalliy vaqt bilan soat 18:30da (Toshkent vaqti bilan 22:00) boshlanadi.

Tojikistonning Bahraynga kelgan futbolchilar ro'yxati:

Darvozabonlar: Abduaziz Mahkamov (Oloy, Qirg'iziston), Qurbonali Boboev (Istiqlol), Daler Azizov (Regar-TadAZ);

Himoyachilar: Davronjon Ergashev (Taraz, Qozog'iston), Iskandar Jalilov (Dunav, Bolgariya), Siyovush Asrorov, Amirbek Jo'raboev, Tabrezi Davlatmir, Axtam Nazarov, Romish Jalilov (barchasi – Istiqlol), Oybek Abdug'afforov (Xosilot);

Yarim himoyachilar: Parvizjon Umarboev (Lokomotiv, Plovdiv, Bolgariya), Nozim Bobojonov (Bahrayn, Bahrayn), Umedjon SHaripov (Mashal, O'zbekiston), Nuriddin Davronov, Fatxullo Fatxulloev, Exsoni Panshanbe, Jahongir Aliev (barchasi – Istiqlol), Muhammadjoni Hasan (Xosilot);

Hujumchilar: Manuchehr Jalilov, Jahongir Ergashev, Dilshod Vosiev (barchasi – Istiqlol), Davronjon To'xtasunov (Xo'jand).

Bosh murabbiy – Hakim Fuzaylov.