Bahodir Mirzaev: "Bunyodkor" - "Paxtakor" o'yini taqdirini yoshlar hal qilsa kerak"

Behzod Nazarovdan so'ng "Bunyodkor" klubi matbuot xizmati vakili Bahodir Mirzaev bilan suhbatlashdik.

- Uchrashuvni murosasiz o'tishiga shubham yo'q. Bugun “Bunyodkor”ga ham, “Paxtakor”ga ham g'alaba suv va havodek zarur. “Paxtakor”ni yuta olishimizni kubok bahslarida isbotladik. Buni chempionat bahslarida ham davom ettirishga bemalol kuchimiz etadi. Umuman olganda, Toshkentning bu ikki grand klublari qarama-qarshiligi doimo keskin kurashlarga boy o'tgan. O'ylaymanki, bu safar ham muxlislarga zavq bag'ishlaydigan o'yin bo'ladi. O'yin taqdirini har ikkala jamoa tarkiblaridagi yoshlar hal qilsa kerak, deb o'ylayman, - deydi Mirzaev.