Bahodir Nasimov: "Bugun futbolchilarimiz faqat muxlislar uchun o'ynaydi"

Ushbu uchrashuv oldidan O'zbekiston terma jamoasi sobiq hujumchisi Bahodir Nasimov o'z fikrlarini bildirdi.

“Bugun O'zbekiston milliy terma jamoasi Qatar ustidan g'alaba qozonadi. Bunga ishonaman. Bizni faqat va faqat yutuq qanoatlantiradi. Suriya terma jamoasiga qarshi uchrashuvda uchralgan mag'lubiyatdan so'ng o'zlarini oqlash uchun faqat g'alaba uchun harakat qilish kerak. Bugun futbolchilarimiz muxlislar uchun o'ynaydi. “Bunyodkor” stadioni muxlislar bilan to'lib toshsa kerak, deb o'ylayman. Ishqibozlar bosh jamoamizni qo'llab-quvvatlasa istagan natijamizga erishamiz. Suriyaga qarshi uchrashuvda raqib jamoaning barcha futbolchilari tinmay yugurishdi.

 

Bizning futbolchilar esa 3-4 nafari o'ynayapti qolgani yugurmayapti. Bunday o'yin bilan hech qanday natijaga erishib bo'lmaydi. SHuning uchun ham barcha futbolchilar birdek jonini berib maydonda to'p tepishi kerak. Noto'g'ri fikr bildirgan bo'lsam barcha muxlislardan uzr so'rayman. Men ham Evropa futbolini tomosha qilaman, futbolchilar yomon o'yin ko'rsatishsa haqorat qilaman. Bu futbol. SHuning uchun hech kimdan hafa bo'lish kerak emas. Futbol shunday sport turi, kimdir g'alaba qozonadi yana kimdir mag'lub bo'ladi. O'zbekiston terma jamoasiga omad tilayman.”, - deydi “Ansan Grinners” jamoasi hujumchisi Bahodir Nasimov

Jahongir Sotvoldiev suhbatlashdi