Bugun Futzal bo'yicha U-20 Osiyo chempionatiga qura tashlanadi
/ Kiritdi: BestMaster O'qilgan: 827
Tarixda ilk marotaba o'tkaziladigan 20 yoshgacha bo'lgan futzalchilar o'rtasidagi Osiyo chempionatiga qura tashlash marosimi bugun, 30 mart kuni bo'lib o'tadi.
Marosim Tailand poytaxti Bangkok shahridagi Grand Fourwing Hotel mehmonxonasida o'tkaziladi. Jamoalar 2016 yili Toshkentda bo'lib o'tgan futzal bo'yicha Osiyo chempionatida qayd etgan natijalariga ko'ra 5 ta savatchaga ajratiladi. Qura tashlash marosimi Toshkent vaqti bilan soat 13:00da boshlanadi.
O'zbekiston U-20 terma jamoasi 1-savatchadan joy oldi. SHuningdek, mazkur savatchada Eron, Tailand va Vetnam yoshlar termasi ham joylashgan.
Jami 21 terma jamoa to'rtta guruhga bo'linadi. Bitta guruhda 6 ta, uchta guruhda 5 tadan jamoa pley-off bosqichi uchun kurashadi. Har bir guruhda 1–2 o'rinlarni egallagan jamoalar chorak finalga yo'l oladi.
Eslatib o'tamiz, futzal bo'yicha U-20 Osiyo chempionati 2017 yilning 16–26 may kunlari Tailandda o'tkaziladi.
Bosh sahifaga
973
1 May 2022, 20:24