Bugun “Nasaf” – “So'g'diyona” uchrashuvi bo'ladi

“Nasaf” bugun “So'g'diyona” jamoasi bilan bahs yuritadi. Bir vaqtlar futbolchi sifatida “Nasaf” jamoasi sharafini himoya qilgan, ikki sobiq jamoadosh bugun o'z shogirdlarini murabbiy sifatida maydonga boshlab tushishadi.

“Nasaf” – “So'g'diyona jamoalari o'rtasidagi uchrashuv G'uzor shahridagi “G'uzor” markaziy stadionida soat 17:00da boshlanadi.

Bu ikki jamoa o'rtasidagi uchrashuvlar doimo qiziqarli va kurashlarga boy tarzda o'tgan. Bunga sabab, har ikkala jamoa bir-birlarining maydonda qanday harakat qilishlarini juda yaxshi bilishadi.

Mazkur jamoalar bugun o'zaro 33-uchrashuvda kuch sinashishadi. “Nasaf” esa oliy ligadagi 591-uchrashuvini o'tkazadi. Qarshida bo'lib o'tgan o'zaro uchrashuvlar tarixiga nazar tashlasak, “So'g'diyona” jamoasi Qarshidan so'nggi bor 2004 yili g'alaba bilan qaytgan. Bu uchrashuv 2:3 hisobida jizzaxliklar foydasiga hal bo'lgan. Qarshida qayd etilgan ilk va yagona durang 0:0 natija esa 1998 yili bo'lgan.

Bugungi uchrashuvni navoiylik hakam Rustam Bobomurodov boshqaradi. Rustam Bobomurodov o'tgan yilgi chempionatda “Nasaf” ishtirokidagi uchta o'yinni boshqargan. Bu uchrashuvlarning barchasida jamoamiz g'alaba qozongan.

 

O'zPFL 4-tur. 30.03.2017

“Nasaf” (Qarshi) - “So'g'diyona” (Jizzax)  

G'uzor sh., “G'uzor” markaziy stadioni. 17:00da   

 

Bosh hakam: Rustam Bobomurodov (Navoiy)

Qanot hakamlari: Aleksandr Burov (Toshkent), Server Eremeev (Toshkent)

Zaxira hakami: Elyor tursunov (Buxoro)

Nazoratchi: Arlan Xotamov (Toshkent)

O'zPFL vakili: Nail Lutfullin

 

Barcha “Nasaf” futbol klubining muxlislarini G'uzorga taklif etib qolamiz. Darvoqe, jamoamizning bugungi uy uchrashuvi so'nggi marta G'uzorda bo'ladi. Keyingi uchrashuvlar Qarshida o'tadi.