Javlon Mirabdullaev: “Obod”ga qarshi uchrashuvda o'yinmiz bir-biriga qovushmadi”

Ushbu turda “Obod” klubi “Bunyodkor” jamoasini qabul qildi. Ushrashuvda jamoalar murosa yo'lini tanlashdi 1:1. Qiziqarli kechgan bahsdan so'ng “Bunyodkor” klubi futbolchisi Javlon Mirabdullaev o'z fikrlari bilan o'rtoqlashdi.

“Obod” jamoasi o'yinlarini kuzatib bordik. Ushbu bahs biz uchun qiyin bo'lishini oldindan bilardik. Maydonga boshqacha taktika bilan chiqqandik. Ayrim futbolchilarimiz terma jamoadan kelib safimizga qo'shildi. O'yinmiz bir-biriga qovushmadi. Pala-partish harakat qilganimiz tufayli o'z darvozamizdan gol o'tkazib yubordik. Bizda ham golga tortadigan vaziyatlar bo'ldi, ammo ulardan unumli foydalana ololmadik. Bu futbol. Nasib qilsa keyingi o'yinlarda g'alaba qozonishga harakat qilamiz”, - deydi “Bunyodkor” klubi futbolchisi Javlon Mirabdullaev.

Zebo Qo'chqorova suhbatlashdi