Islom Qobilov “Metallurg”ning 700-goli muallifi

Bungacha 557 o'yinda “Metallurg” raqiblari darvozasiga 697 ta gol urgandi. Dastlabki turlarda raqiblari darvozasi tomon yo'l topa olishmagan poytaxt viloyati vakillari bu safar bitta o'yinda to'rtta gol kiritishga muvaffaq bo'lishdi. Uchrashuvning 38-daqiqasida Islom Qobilov kiritgan gol esa “Metallurg” uchun yubiley – 700-gol sifatida tarixdan joy oladigan bo'ldi.

Bevosita ushba golning kiritilishiga to'xtaladigan bo'lsak, gol muallifi uchrashuvning eng yaxshi o'yinchisi deb topilgan Jahongir Abdumo'minov ham bo'lishi mumkin edi. Ammo qanotdan to'p etkazib berilganda Jahongirning zarbasidan keyin to'p darvoza to'siniga tegib qaytdi. Qaytgan to'pga esa bekobodliklarning bir yo'la ikki o'yinchisi – Islom Qobilov va Zohid Abdullaevlar tashlanishdi. Islom ikkinchi qavatda yaxshi o'ynaydi. SHuk bois u to'pni pastga tushirmasdan boshi bilan urib darvoza chizig'ining kesib o'tishini taminladi. So'ngra har ehtimolga qarshi Abdullaev ham to'pga zarba berib golga shubha qoldirmadi. Biroq bu vaziyatda gol baribir “Metallurg”ning yosh himoyachisi Islom Qobilov hisobiga yozildi.