“Qizilqum” muxlislari klub rahbariyati bilan uchrashdi

Tadbirda klub vakillari va muxlislar klubi azolari ishtirok etishdi.

Tadbir avvalida klub ijrochi direktori Hamidjon Aktamov so'zga chiqdi.

-Jamoamizning mavsum avvalidagi muvaffaqiyatsizliklari uchun siz muxlislardan uzr so'raymiz, -deya gap boshladi Hamidjon G'ulomovich. – Mavsumni kutilgandek boshlay olmadik. Ayrim o'yinlarda omadimiz kelmadi. SHu bois barcha mag'lubiyatda barcha aybni o'z zimmamga olaman. Agar lozim bo'lsa, istefoga chiqishga tayyorman.

SHundan so'ng muxlislar klubi azolari so'zga chiqib, jamoaning hozirgi murabbiylar shtabi va futbolchilarga ishonishlarini, Hamidjon Aktamov bir necha yillardan buyon Navoiy futbolini rivojlanishiga hissa qo'shib kelayotganini takidlashdi va bir ovozdan jamoa rahbarining istefosini rad etishdi.

“Futbolda g'alaba va mag'lubiyat yonma-yon yuradi. SHu sabab biz har qanday vaziyatda ham jamoamiz azolari – futbolchilar va murabbiylarni qo'llab-quvvatlaymiz. Hamidjon Aktamov viloyatimizning fidoyi farzandi. “Qizilqum” jamoamizning keyingi yillardagi muvaffaqiyatlariga katta hissa qo'shib kelayotgan inson. O'ylaymanki, mavsum davomida futbochlilarimiz chiroyli o'yinlar bilan biz ishqibozlarni xursand etishadi”, dedi “Qizilqum” muxlislar klubi rahbari SHahriddin Ishnazarov.