Bilasizmi? O'tgan mavsumning oxirgi to'rtta o'yinida g'alaba qozonmagan "Olmaliq" bu yilni ham shunday boshladi

2017-04-04 14:50:01 / Kiritdi: BestMaster O'qilgan: 881

Toshkent viloyatining "Olmaliq" klubi uchun yangi mavsum omadsiz boshlandi. Jamoa oliy liganing to'rtta o'yinida atigi bir ochko to'pladi.

Viktor Kumikov shogirdlari uyda "Bunyodkor" bilan durang o'ynagan bo'lishsa, safarda "Buxoro", "So'g'diyona" va "Lokomotiv"ga mag'lub bo'lishdi. Qizig'i shundaki, "Olmaliq" o'tgan yilning oxirgi to'rt bellashuvida ham g'alaba qozona olmagandi.

O'tgan yil 26-turda "SHo'rtan"ni 3:0 hisobida mag'lub etgan olmaliqliklar shundan so'ng "Andijon" bilan durang qayd etib, "Obod", "Paxtakor" va "Qo'qon-1912"ga imkoniyatni boy berishgandi. Natijada chempionat yakunida Igor SHkvirin o'z lavozimini tark etdi va uning o'rniga yangi bosh murabbiy etib Viktor Kumikov tayinlandi.

"Olmaliq" uchun ushbu chempionat ham omadsiz boshlandi. Aytib o'tganimizdek, jamoa to'rtta o'yindan beri g'alaba qozona olmayapti va turnir jadvalida oxirgi o'rinni egallab turibdi. Jamoa keyingi turni 7 aprel (juma) kuni o'z maydonida "Nasaf"ga qarshi o'tkazadi.

Teglar: bilasizmi?, otgan, mavsumning, oxirgi, tortta, oyinida, galaba, qozonmagan, olmaliq, yilni, shunday, boshladi,
← Oldinga Orqaga →