"Bunyodkor" va "Paxtakor" muxlislari Qosimov va Babayanni so'rayaptilar

Garchand, g'alaba qozongan bo'lsada, "Bunyodkor" muxlislari o'tirgan o'rindiqda quyidagi bannerni ko'rdik.

Mutoyiba aralashgan mazkur bannerga izoh berib o'tamiz.

Lushan: "Barchasi uchun rahmat, yaxshisi oldinda".

Kumikov: "Keragi yo'q, rahmat!" Aynan Kumikovning rasmi chiqqanligi sabab, "Bunyodkor" rahbariyati qozog'istonlik mutaxassisga og'iz solganliklari bo'lgan.

Keyingi ikkita suratda hazilni ko'ramiz. Aslida bundan bir necha yil avval bunday gap so'zlar asosga ega bo'lardi.

Mourino: "To'g'ri kelmaydi, sal qimmatroq"

Gvardiola: "Nomzod, o'ylab ko'ramiz..."

Eng so'nggi surat esa jamoa muxlislari kutayotgan murabbiy Mirjalol Qosimov.

Uchrashuv yakuniga etganidan so'ng bo'lib o'tgan matbuot anjumanida ishtirok etgan Baxtiyor Boboev, bugungi natijaga qaramay, keyingi mavsum uchun jamoaga kuchli murabbiy kelishi kerakligini  takidlab o'tdi. Biz olgan malumotlarga ko'ra "Bunyodkor" qiziqayotgan murabbiylar orasida Viktor Kumikov va Mirjalol Qosimov ham bor. Ammo ikki tomon ham hozircha taklif bo'lmaganligini aytib kelishyapti. Voqealar rivojini kuzatamiz. 

Stadionning ikkinchi tomonida esa estafeta tayoqchasini "Paxtakor" muxlislari oldilar. Avvaliga ular No'mon Hasanovdan bo'shashni talab qildilar, so'nggi o'n daqiqada esa "Babayanni qaytaring", deb baqirdilar. 

Agar ikki vaziyatga o'z fikrimizni bildirsak, "Bunyodkor"ga Qosimov kelishi mumkin, ammo MTJga o'tgan Samvel Babayanni u erdagi ishi to'g'ri ketsa. hali beri "Paxtakor" murabbiylar shtabidan joy olmasa kerak. Yana bir malumot, "derbi"dan avval keyingi yil uchun jamoaga yangi bosh murabbiy tayinlanishi haqida axborot paydo bo'lgan edi.