Lushan qiz bola emasligi takrorladi, istefo bermasligini va haydalmaguncha ishlashini malum qildi

- O'yin haqida nima deyish mumkin? Raqibni g'alaba bilan tabriklayman. G'alaba qozonish uchun avvalambor hujum qilish zarur, agressiv futbol o'ynash kerak va asosiysi gol urmoq lozim. 
Darvozamiz tomon bitta aniq zarba qabul qildik va bu gol bilan tugadi. Afsuski hujumda hech narsa yarata olmadik. Haqli tarzda mag'lubiyatga uchradik. Bu erda ortiqcha gapga hojat yo'q.

Mag'lubiyatga kim aybdor? Futbolchilar yoki murabbiy? Natija uchun har doim murabbiy javobgar. SHu boisdan mag'lubiyat bosh aybdori o'zimman. Jamoa mag'lub bo'lsa, murabbiy yutqazadi. G'alaba bo'lsa, jamoa g'olib chiqadi. Barcha joyda shu.

Istefo? Men istefo bermayman. Istefoni vaziyatni o'nglolmaydigan murabbiylar berishadi. Men jamoadagi hozirgi mavjud vaziyatni o'nglashni istayman va bu qo'limdan keladi. Hali hech narsa yo'qotilgani yo'q. OCHLda ham imkoniyatlarimiz bor. Rahbariyat meni ishdan olsa boshqa gap. Agarda meni istefoga chiqarishsa, unda ortiqcha savollarim yo'q. Lekin men o'zim istefo bermayman. "Bunyodkor"da meni ishdan haydamagunlaricha ishlayveraman. Ariza yozib ishdan ketish bu eng osoni. Men qiz bola emasman, ketib qoladigan. Men buni avval ham aytgandim. Oxirgi imkoniyatgacha ishlayman. Agarda ichlarizda (anjumanlar zaliga murojaat) nozik jins vakilalari bo'lsa, bu aniq men emasman.