Nosir Otaqo'ziev: "Maqsadimiz muxlislarimizni xursand qilish"
/ Kiritdi: BestMaster O'qilgan: 850
Oliy liga 5-turidan o'rin olgan “Qo'qon-1912” – “Dinamo” o'yinidan so'ng mezbonlar xujumchisi Nosir Otaqo'ziev fikrlarini quyidagicha bayon qildi.
-Avvalo bugungi g'alaba bilan barchani tabriklayman. Maydonga chiqishimizdan maqsad g'alaba qozonib muxlislarimizni xursand qilish edi. Biz bunga erishdik. Stadionimizni to'ldirib bizga ajoyib muhit yaratgan muxlislarimizga barcha jamoadoshlarim nomidan minnatdorchilik bildiraman.
“Dinamo” jamoasi futbolga chanqoq yoshlardan iborat jamoa. Ular bizga bugun yaxshi qarshilik ko'rsatishdi. Keyingi o'yinlarda ularga omad tilayman.
Xujumchini vazifasi gol urish. Demak maydonda o'z ishimizni qildik xolos (kuladi). Gollarda hujumda bizni qulay vaziyatga chiqarayotgan sheriklarimni hissalari juda katta. Hamma bir tanu-bir jon bo'lib bo'lsagina natija bo'ladi. Qolaversa murabbiylarimiz xar bir o'yinga bizni har tomonlama mukammal tayyorlashmoqda-deydi Nosir Otaqo'ziev.
"Qo'qon-1912" matbuot xizmati
Bosh sahifaga
1962