Bilasizmi? Oliy ligada g'alaba qozonmagan faqat bir jamoa qoldi
/ Kiritdi: BestMaster O'qilgan: 929
Oliy ligada 5-tur uchrashuvlari o'z yakuniga etdi. "Lokomotiv", "Bunyodkor", "Metallurg" va "Nasaf" hozircha boshqalarga qaraganda bitta kam o'yin o'tkazishgan.
Qolgan jamoalar beshtadan uchrashuvda maydonga tushishdi.
Beshinchi tur yakunlariga ko'ra, oliy ligada g'alaba qozonmagan bitta jamoa qoldi: bu - "Neftchi". Farg'onaliklar beshta o'yinning ikkitasida durang o'ynab, uch bor mag'lub bo'lishdi. Jamoa dastlab G'uzorda "SHo'rtan"ga imkoniyatni boy bergan bo'lsa, keyin o'z maydonida "Paxtakor" bilan durang o'ynadi.
3-tur safarda "Navbahor" bilan durang qayd etgan Andrey Fyodorov shogirdlari keyingi ikki bellashuvda mag'lub bo'lishdi. Jamoa "Qo'qon-1912" va "Buxoro"ga mag'lub bo'ldi. Natijada "Neftchi" beshta o'yindan so'ng atigi ikki ochko to'plagan va turnir jadvalida oxirgi o'rinda boryapti. To'plar nisbati 2-7.
Jamoa bosh murabbiyi Andrey Fyodorovning aytishicha, hali hammasi oldinda va chempionat endi boshlandi. Eslatib o'tamiz, "Neftchi" keyingi turni o'z maydonida "Bunyodkor"ga qarshi o'tkazadi.
Bosh sahifaga
391