Nemanya Vidich: “35 yoshimda futboldan charchagandim, Ibragimovich esa zavq olmoqda”

“Ibragimovich top-futbochli ekanligi barchaga malum. Unga qarshi bir necha bor maydonga chiqishimga to'g'ri kelgan. Faoliyati mobaynida u ko'plab sovrinlarni yutgan va gollar urgan. SHu sabab uning “MYU”dagi samaradorligidan ajablanmadim.

Ammo 35 yoshda barcha uchrashuvda maydonga chiqish uchun tayyor turish... Angliya futboli boshqalarnikidan farq qiladi. Ammo Ibra tezda unga moslashdi va mavsumni barqaror o'tkazmoqda. Men shundan hayratdaman.

Qachonki 35 yoshda to'p teparkansan hammasi sen o'ylaganchalik oson kechmaydi. Men 35 yoshdaman, ochig'ini aytsam, futboldan biroz charchadim. Ko'proq hordiq chiqargim keladi. Ibragimovich esa hali hamon futboldan zavq olishda davom etmoqda va o'zini yaxshi his etayapti”, deydi Vidich.