Aziz To'xtamurodov: "Qura oldidan aksar jamoalar "Lester"ni istagandi"
/ Kiritdi: BestMaster O'qilgan: 737
Saytimiz xodimi Aziz To'xtamurodov ECHL chorak final doirasidagi bugungi bellashuvlar haqida o'z fikrlarini bildirdi.
"Borussiya D" - "Monako"
- Fikrimcha, aynan ushbu bahs bugungi uchta o'yin ichida eng tomoshabopi bo'ladi. Intriga masalasida ham ushbu to'qnashuv qolganlarga nisbatan etakchi bo'lsa kerak. Umuman, ushbu o'yinni faqat va faqat tomosha qilish kerak. Ortiqcha gap-so'zga hojat yo'q.
"Atletiko" - "Lester"
- Qura oldidan aksar jamoalar "Lester"ni istagandi va yakunda "tulkilar" Madridning "Atletiko"siga nasib etdi. Ammo, "Lester" Evrokubokda ajoyib ishtirok etmoqda va "matraschilar" uchun chaqilmas yong'oq vazifasini bajarib bera olishi kerak. O'yin Ispaniyada bo'lib o'tayotganini hisobga olsak, ushbu bahsda "Atletiko" 1-2 to'p farqi bilan g'alaba qozonsa kerak.
"Bavariya" - "Real"
- CHorak finaldagi eng "yulduzli to'qnashuv". Ushbu juftlikda ham keyingi bosqichga kim chiqishini oldindan aytish mushkul. Lekin, shunisi aniqki, bugun "Bavariya" o'z maydonida bo'lib o'tadigan o'yinda to'plar nisbatini yaxshilab olishga astoydil harakat qiladi.
Bosh sahifaga
2070