"Obod" - "Olmaliq" uchrashuviga keling va Sirojiddin Sayfievga yordam bering!
/ Kiritdi: BestMaster O'qilgan: 1169
Toshkentning "Obod" klubi ham xayrli akciyaga qo'shildi.
2014 yil "Lokomotiv" - "Dinamo" uchrashuvida oyog'idan jiddiy jarohat olib, futbolchilik faoliyatini yakunlagan Sirojiddin Sayfiev ayni paytda og'ir hastalikka chalingani va unga ham ruhan, ham moddiy jihatdan dalda bo'lish maqsadida championat.asia sayti tashabbusi bilan maxsus akciya o'tkazilayotganidan xabaringiz bor.
“Obod” futbol klubi ham ushbu hayriya akciyasidan chetda turgani yo'q. Jamoamiz azolari Sirojiddinni qo'llab-quvvatlab, unga sog'liq tilagan holda moddiy yordam berishga ulgurishdi.
Xayrli ishni davom ettirishni maqsad qilgan jamoamiz Sirojiddinga siz aziz muxlislarning ishtirokida yana yordam berishni niyat qilgan. "Obod" 14 aprel kuni oliy liganing 6-tur doirasida "Olmaliq" bilan kuch sinashadi. Bilasiz, jamoamiz uy uchrashuvlarini o'tkazadigan "Jar" stadioniga kirish doim bepul bo'lgan. Ertangi bahsda ham bu anana davom etadi. Faqat avvalgi o'yinlarimizdan farqli ravishda ertaga Sirojiddin Sayfievni qo'llab-quvvatlash maqsadida stadionimizda maxsus quti bo'ladi. Bellashuvni bevosita o'yingohda tomosha qilish uchun tashrif buyurgan ishqibozlar o'z imkoniyati doirasida Sirojiddinga yordam berishi mumkin.
Demak, 14 aprel kuni "Jar" stadioniga keling, "Obod" - "Olmaliq" uchrashuvida futbolchilarni qo'llab-quvvatlang va Sirojiddinga yordam bering!
Bosh sahifaga
245
