“Yangier”ning g'alaba qozonishiga muxlislar etishmadi...mi?
/ Kiritdi: BestMaster O'qilgan: 855
Kecha O'zbekiston chempionati 1-ligasida ishtirok etayotgan klublar 3-tur uchrashuvlarini o'tkazishdi.
Ushbu tur doirasida Yangier shahrining “Yangier” jamoasi G'allaorolning “G'allakor-Barsa” klubini qabul qildi. Uchrashuv 1:1 hisobidagi durang natija bilan yakuntopdi. Hozir o'yin haqida emas, balki uchrashuv atrofida yuz bergan holatga etibor qaratmoqchimiz.
SHu kuni “Yangier” stadioniga muxlislar kiritilmadi. Bunga sabab sifatida favqulotda vaziyatlar xodimlari stadionning g'arbiy tribunasining 2-qavati talabga javob bermaydi, deb hisoblashgan. O'zPFL saytida elon qilingan qaydnomada yozilishicha, “Yangier” – “G'allakor-Barsa” bahsiga 76 nafar tomoshabin tashrif buyurgan. Ushbu raqamda aks ettirilgan muxlislar soni jamoalar azolari, stadion ishchi xodimlari va tartib posbonlari vakillarini tashkil etgan bo'lsa kerak. Biroq stadion tashqarisida yig'ilgan 3-4 ming muxlis uchrashuvni ko'rolmay, ko'chada turib-turib, kutib-kutib ko'ngillari xira xolda uylariga tarqashdi.
Xayron qolasan kishi, muxlislarsiz futbol kimga kerak? Axir “Yangier” stadionining bir qavatdan iborat sharqiy tribunasi to'liq tayyor ediku! Balki sevimli jamoamizning g'alaba qozonishiga, biz – muxlislarning daldasi etishmagandir...
Umid qilamizki, 16 aprel sanasida o'tkaziladigan “Yangier” – “Zomin” uchrashuvigacha muammolar bartalaf etilib, “Yangier” stadioniga muxlislar tashrifi taminlanadi.
Nodir Toshtemirov,
Yangier shahridan
Bosh sahifaga
213