Birinchi liga. "Surxon" - "Cementchi" prevyu

Musobaqaning  4-tur doirasida 16 aprel kuni bu yilgi mavsumda o'z oldiga Oliy ligaga chiqish vazifasini qo'ygan ikki jamoa, Termiz shahrining “Surxon” va Quvasoy shahrining “Cementchi” jamoalari to'qnash keladi. 

Demak, navbatdagi raqibimiz “Surxon” jamoasi xaqida!

Surxandaryo viloyatining  “Surxon” jamoasi 1968 yilda “CHegarachi” nomi bilan tashkil etilgan. Jamoa turli davrlarda Oliy va birinchi liga bahslarida turlicha nomlar bilan ishtirok etgan. 

• 1968-1968 - CHegarachi

• 1969-1973 - Avtomobilist

• 1974-1974 - Spartak

• 1975-1983 - Avtomobilist

• 1984-1984 - Surxon (Surxon)

• 1985-1993 - Surxon

• 1994-1996 - ASK

• 1997-2008 - Surxoan

• 2009-2010 - Dinamo-Xamkor

• 2012 - Surxon

 2017 yildan Surxondaryoda  viloyat hokimi va futbol mutasaddi rahbarlarining tashabbusi bilan Neftchi (Jarqo'rg'on) nomi bilan yana jamoa qaytadan tashkil etildi. Klub "pulka" bahslarida g'olib chiqib birinchi liga yo'llanmasini qo'lga kiritgach yana bu jamoaga “Surxon” nomi berildi.

Turli yillarda Nasaf (Qarshi), Qizilqum (Navoiy) professional futbol klublarida matbuot xizmati rahbari bo'lib ishlagan Erkin Xolboboev Surxon professional futbol klubi ijrochi direktori, Mashal (Muborak), Norin (Haqulobod) va Xorazm kabi jamoalarda faoliyat ko'rsatgan mutaxassis Vali Keldiev esa jamoa bosh murabbiyi sifatida ish boshladi.

Ushbu mavsumda “Surxon”  o'z oldiga elitaga chiqish vazifasini qo'ygan bo'lsada mavsumni u qadar omadli boshlay olmadi. O'tgan uchta turda raqiblar darvozasiga faqat bitta gol kiritib, barcha uchrashuvlarda durrang natijalarni qayt etdi;

1-tur.  Lokomotiv-BFK – Surxon – 0:0.

2-tur.  Xotira-79 – Surxon 1:1

3-tur.  Surxon – Uzdongju 0:0

Yangi tashkil etilgan “Surxon” jamoasi “Cementchi” klubi bilan ilk marotaba to'qnash keladi.  

Uchrashuv 16 aprel yakshanba kuni Termiz shahridagi markaziy o'yingohda bo'lib o'tadi.

 

O'zbekiston birinchiligi. 3-tur.  

Surxon (Termiz) – Cementchi (Quvasoy)

Hakamlar: K. Rasulov (Qarshi), M. Turdiev (Jizzax), F. Dostonov (Jizzax)

Nazoratchi: B. Tog'aev (Toshkent).

“Cementchi” matbuot kotibi Zuxriddin Abdullajonov