Oliy liga. 6-tur. Bekobodda hisob ochilmadi

Bekoboddagi uchrashuv kuchli shamol ostida boshlandi. Dastlabki daqiqalardan chempionatda peshqadamlardan biri bo'lib turgan “Navbahor” poytaxt viloyatiga katta niyatlar bilan kelganligini yashirmayapti. Ammo o'yin mezbonlarning tashabbusi ostida o'tmoqda. Uchrashuvning 6-daqiqasida G'iyosjon Komilov ogohlantirildi. Dilmurod Karimov tepgan jarima to'pini Asilbek Amonov egallab oldi.

19-daqiqada bekobodliklar burchakdan to'pni o'yinga kiritishdi. Vusol Magerramovning bosh bilan bergan zarbasidan so'ng to'p shundoqqqina darvoza to'sini ustidan o'tib ketdi.

Uchrashuvning 25-daqiqasida “Metallurg” hisobni ochishimi mumkin edi. Darvozabon to'pni chap qanotga tashlab berdi. Abdumo'minov – Qodirqulov – Magerramov kombinaciyasidan keyin to'p 11 metrlik belgi yaqiniga etkazib berildi. Dilmurod Karimovning zarbasi biroz noaniq bo'ldi.

33-daqiqada Vusol Magerramovning xatosidan mehmonlar foydalanishiga bir bahya qoldi. Oradan ikki daqiqa o'tib Azizbek Turg'unboevning bosh bilan bergan zarbasidan keyin Zafar Safaev to'pni ushlab oldi.

Birinchi taymning so'nggi daqiqalari mezbonlarning katta usmtunligi ostida o'tdi, ammo darvozalar dahilsizligi saqlab qolindi – 0:0.

Ikkinchi taym bekobodliklarning ketma ket hujumlari bilan boshlandi. Birgina Alisher Samatov o'z darvozasi chizig'i ustidan ikki marta to'pni qaytarishga muvaffaq bo'ldi. Jahongir Abdumo'minov, Zohid Abdullaev, Murodjon Toshmatovlar qulay vaziyatlardan foydalana olishmadi. 58-daqiqada Magerramov – Sulaymonov kombinaciyasidan so'ng Zohid Abdullaev darvozani nishonga olishga urindi. To'p darvoza ustuni yonginasidan o'tib ketdi.

66-daqiqada mehmonlar burchakdan to'pni o'yinga kiritishdi. Mansur Saidov etkazib bergan to'pni Hasanboy Ergashev boshi bilan darvoza tomon yo'naltirdi. Zarba noaniq chiqdi.68-daqiqada mezbonlar tarkibida Doniyor Ismoilov maydonga chiqarildi. U tushishi bilan jamoaning hujumida ishtirok etdi va chap qanotdan jarima maydoniga yorib kirdi va zarba berdi. Darvozabon to'pni egallab oldi. 71-daqiqada Ayubxon No'monov uzatgan to'pni Zohid Abdullaev boshi bilan darvozaga to'g'rilab qo'ygandi. Zarba biroz noaniq bo'ldi.

78-daqiqada “Navbahor” futbolchilari jarima zarbasini amalga oshirishganda Ro'zimboy Ahmedov boshi bilan to'pning yo'nalishini o'zgartirdi. Ammo to'p darvoza ustuni yonginasidan o'tib ketdi. SHu daqiqaning o'zida mezbonlarning hujumi navbahorchilar tomonidan o'yin qoidasining buzulishi bilan tugadi. Jarima zarbasini Dilmurod Karimov bajardi. Mehmonlar posboni Asilboe Omonov jamoasini muqarrar goldan saqlab qoldi.

O'yinning oxirgi daqiqalarigacha mezbonlar hujumga zo'r berishdi. Ammo “Navbahor” durang natijani saqlab qoldi.

Oliy liga. 6-tur.  
15 aprel (shanba)
Metallurg (Bekobod) – Navbahor (Namangan) 0:0
Hakamlar: H. Ro'ziev (Toshkent), O. Abduvosilov (Toshkent), S. SHoyusupov (Toshkent), O. To'ychiboev (Farg'ona)
Nazoratchi: S. Najafaliev (Toshkent).
O'zPFL vakili: N. Lutfulin.

“Metallurg”: 1. Zafar Safaev, 3. Vusol Magerramov, 4. (s) Hikmat Hoshimov, 6. Dilmurod Karimov,  7. Doniyor Odilov (8. Ayubxon No'monov, 58), 11. Murodjon Toshmatov, 13. Sanjar Qodirqulov (77. Doniyor Ismoilov, 68), 15. Zohid Abdullaev, 17. Mirg'iyos Sulaymonov, 40. Islomjon Qobilov, 70. Jahongir Abdumo'minov (95. Timur Usmonov 75).

Zahira: 32. Suhrobjon Sultonov, 14. Davron Karimqulov, 20. Dostonbek Tursunov, 27. Muhammadodil Qahramonov.

 “Navbahor”: 30. Asilbek Amonov, 2. Alisher Samatov, 3. Hasanboy Ergashev, 5. G'iyosjon Komilov, 9. Dilshod Jabborov, 19. Mirzohid G'afurov, 21. Azamjon Aliev, 32. Jahongir Mehmonov, 44. Darko Stanoevich (10. Mansurjon Saidov, 46), 77. Azizbek Turg'unboev (22. Ro'zimboy Ahmedov, 56), 84. Nemenya Yovanovich.

Zahira: 1. Akmal Ortiqov, 4. Abbosjon Otaxonov, 8. Ravshanbek Xursanov, 20. Alisher Mirzaev, 33. Tohirjon SHamsuddinov.

Ogohlantirishlar: G'iyosjon Komilov (5), Mucrodjon Toshmatov (23), Nemanya Yovanovich (32), Jahongir Mehmonov (54), Azamjon Aliev (58).