Luis Enrike muxlislarni 80-daqiqadan keyin ketib qolmasliklarini so'radi

“O'ylaymanki, ertangi bahsda “Yuventus”ga gol urish uchun imkoniyat bo'ladi, shu sabab bizning maqsad beshta gol kiritish. Agar birinchi tezkor golni kiritsak, uyog'iga “Kamp Nou”dagi muhit ikkinchi golni kiritishimizga ko'maklashadi va o'z-o'zidan uchinchi gol ham kiritiladi.

Ayni paytda bizni yo'qotadigan hech narsamiz yo'q. Yagona variant, hujum, hujum va yana hujum.SHu o'rinda muxlislarga murojaat qilmoqchiman: uchrashuvning 80-daqiqasida stadionni tark etishga shoshilmang. CHunki siz aniq o'ta muhim hodisaga, tarixiy voqelikka guvoh bo'lishingiz mumkin”, deydi “Barsa” ustozi.