ECHL. Yarim finalda "Yuventus" - "Monako", "Real" - "Atletiko" jamoalari bahs olib boradi.

Qura jarayonida hech qanday cheklovlar bo'lmaydi, yani istalgan klubga istalgan klub raqiblik qilishi mumkin. Pedro Pinto UEFA matbuot kotibi qura tashlash marosimini ochib berdi. 

Jarayonni shu sahifada kuzatib borishingiz mumkin...

Xabaringiz bor, yarim finalga "Real Madrid", "Atletiko Madrid", "Yuventus" va "Monako" klublari yo'l olgan. Ayni damda SHvecariyada bo'lib o'tayotgan qura tashlash jarayonida ushbu jamoalarning yarim finalgacha bosib o'tgan yo'li haqida kichik rolik namoyish etildi. Sahnaga ushbu jamoalarning vakillari taklif etilmoqda.

"Atletiko Madrid" vakili: "Biz so'nggi 4 yil ichida 3 marotaba yarim final yo'llanasini qo'lga kiritdik. Biz bundan mamnunmiz", deydi "Atletiko Madrid" jamoasi vakili.

Lyudovik Jyuli: "Yarim finalga etib kelishimizning o'zi katta natija. Finalga chiqish uchun bor kuchimizni sarflaymiz", - deydi Lyudovik Jyuli.

Pavel Nedved: "Bu safar ECHL musobaqasini qo'lga kiritmoqchimiz", - deydi Pavel Nedved

Emelio Butregino: "Biz mana shu bosqichga ettinchi marotaba yo'l oldik. Bu biz uchun juda ham ulkan natija. "Real Madrid" har doim o'z oldiga ulkan natijalarni qo'yadi", - deydi Emelio Butregino.

Sahnaga Yan Rash taklif etildi. 

"Real Madrid" - "Atletiko Madrid"

"Monako" - "Yuventus"

Demak, qura natijasiga ko'ra yarim finalda yuqoridagi jamoalar to'qnash kelishadi. Yarim final bahslarini "Real Madrid" va "Monako" o'z uylarida o'tkazishadi. 

Finalda "Monako" - "Yuventus" juftligi g'olibi nominal mezbon nomida maydonda harakat qilsa "Real Madrid" - "Atletiko Madrid" juftligi g'olibi rasman mehmon sifatida finalda bahs olib boradi.