Bugun futbol! “So'g'diyona” – “Neftchi”

Kecha farg'onaliklar Jizzax shahriga etib kelishgan va bellashuv bo'lib o'tadigan stadionda o'yin oldi mashg'ulotlarni o'tkazishdi. Jizzaxda bugungalik o'yinga bo'lgan qiziqish yuqori deb aytib o'tish mumkindir. O'tgan turda “Qizilqum” bilan safardagi durangdan ruhlangan jizzaxliklar bu turda o'z muxlislar ko'z o'ngida o'ynaydi. Albatta jamoamiz ham Jizzax shahriga o'z ishqibozlarini xushnud etadigan natijani ko'zlagan holda kelgan. SHunday ekan, bugun xar ikkala jamoa vakillari o'rtasida qizg'in raqobatga guvohi bo'lishimiz mumkin.

“Neftchi” hamda “So'g'diyona” oliy ligada 42 bora to'qnash kelishgan. SHulardan 27tasida farg'onaliklar g'olib bo'lishgan, 7ta o'yinda “So'g'diyona” g'alabani tantana qilgan. O'zaro o'yinlarda 8 marta durang natijasi qayd etilgan. To'plar nisbati “Neftchi” foydasiga 90:32 ni tashkil qilmoqda. O'zaro o'inlarda “Neftchi” 89 ochkoni, “So'g'diyona” esa 30 ochkoni qo'lga kiritgan. “So'g'diyona”ning “Neftchi” ustidan qozongan yirik g'alabasi – 2:0. “Neftchi”ning o'zaro o'yinlarda jizzaxliklar ustidan qozongan eng yirik g'alabasi 7:0ga teng.

O'tgan yili Farg'ona va Jizzahda  bo'lib o'tgan bellashuvlarda Davron Fayziev shogirdlari kichik hisobda g'alabaga erishishgan.


“So'g'diyona” – “Neftchi”
22 aprel. 2017. Jizzax. “So'g'diyona” stadioni. Soat: 18:00
Hakamlar: SH. Qosimov (Toshkent), A. Snetkov (Toshkent vil.), R. Nugmanov (Toshkent), F. Norsafarov (Qarshi)
Nazoratchi: G. Imomov (Toshkent)