Aleksandr Lobanov: "Hakamlarni ishini muhokama qilmoqchi emasman"

Ushbu uchrashuvda "temiryo'lchilar" safarda "sherlar"ni 2:1 hisobida mag'lubiyatga uchratdi. Qiziqarli kechgan bahsdan so'ng "Paxtakor" klubi darvozaboni Aleksandr Lobanov o'z fikrlari bilan o'rtoqlashdi.

"G'alabaga bo'lshan ishtiyoq bizda kuchli edi. "Lokomotiv" klubini mag'lubiyatga uchratish uchun bor kuchimizni ishga soldik, ammo buni uddalay olmadik. Jamoadoshlarimga rahmat aytaman. Ushbu uchrashuvda hakamlarga hech qanday etirozim yo'q. Ularni ishini muhokama qilmoqchi emasman. Men o'z ishimni, ular esa o'z ishini bajarishi kerak. 

So'nggi daqiqalarda bizda standart vaziyat ishlab oldik. Jamoadoshlarimga yordam berish uchun o'z darvozamni tashlab raqib jarima maydonchasi ichiga etib bordim. Burchakdan etkazib berilgan to'pga boshim bilan zarba berib Nesterov qo'riqlayotgan darvozani ishg'ol qilishga harakat qildim. Havodagi to'pga boshim bilan emas yuzim bilan zarba berdim. Afsuski to'p darvoza ustunidan o'tib maydonni tark etdi. Nima ham derdim, "Lokomotiv"ni g'alaba bilan tabriklayman", - deydi Aleksandr Lobanov

Jahongir Sotvoldiev yozib oldi