"Nasaf": Yosh futbolchilarimiz Baxtiyor Davlatov xotira turnirida ishtirok etishadi
/ Kiritdi: BestMaster O'qilgan: 883
Xalqimizda xotira muqaddas degan ibora mavjud. O'tganlarni yodga olish, ular amalga oshirib ketgan ishlarini eslash juda yaxshi odat.
Baxtiyor Davlatovni mamlakatimiz futbol ishqibozlari yaxshi eslashadi. Yangierda tug'ilib o'sgan Baxtiyor Davlatov 36 yoshida futbolchilik faoliyatini tugatgandi. SHundan beri “Mashal”, keyinchalik “Yangier” jamoasida mamur sifatida ishlab kelayotgandi. Baxtiyor Boyjonovich hayot bo'lganida 48 yoshni qarshi olgan bo'lar edi. Ayniqsa uning vohamiz futboliga qo'shgan hissasi ham etirofga loyiq. Uning “Mashal” va “Nasaf” jamoalari safida ko'rsatgan yorqin o'yinlari hamon muxlislar yodida.
O'z vaqtida “Yangier”, “Kosonsoy”, “Metallurg” singari klublarda ham to'p surgan iqtidorli hujumchi Baxtiyor Davlatov 2013 yil olamdan o'tgan edi.
Yangier shahrida keyingi yillarda tashkil etilayotgan Baxtiyor Davlatov xotira turniri ommaviylashib bormoqda. Bu turnirga qiziqish yildan-yilga ortib bormoqda. Mazkur turnirda “Nasaf” futbol maktabi tarbiyalanuvchilaridan iborat jamoalarimiz ham faol ishtirok etib kelishadi.
Bugun erta tongda Jasur Ibragimov va Umar Rahmatillaev murabbiylik qilayotgan 2003 yilda tavallud topgan tarbiyalanuvchilarimizdan iborat jamoamiz Yangier shahriga jo'nab ketishdi. Ular bu yil ham xotira turnirida ishtirok etishadi. O'yinlar Yangierdagi markaziy o'yingohda bo'lib o'tadi.
Bosh sahifaga
261
