"Navbahor": O'smirlarimiz finalga chiqishdi

Mazkur musobaqada Namangan viloyati sharafini himoya qilayotgan yosh “navbahorchilar” ishonchni oqlashmoqda. G'oliblik uchun sakkizta jamoa kuch sinashayotgan turnirda yoshlarimiz finalga chiqishga erishishdi. Rahim G'ofurov va Azam Rajabbaev murabbiyligidagi tarbiyalanuvchilarimiz kurashni “V” guruhida Xorazm, Jizzax viloyati va Qoraqalpog'iston Respublikasi terma jamoalariga qarshi uchrashuvlar bilan boshlashgandi. Garchi dastlabki o'yinda Jizzax viloyati terma jamoasiga 0:2 hisobida imkoniyat boy berilgan bo'lsada, keyingi uchrashuvlarda ijobiy natijalar qayd etildi. Avvaliga Qoraqalpog'iston Respublikasi terma jamoasi 5:0, so'ngra Xorazm viloyat termasi esa 2:1 hisobida mag'lubiyatga uchratildi. Natijada yoshlarimiz guruhda birinchi o'rinni band etishdi. Ikkinchi o'rin esa mezbonlar termasiga nasib etdi.

“A” guruhida esa Buxoro, Qarshi, Navoiy va Toshken viloyati terma jamoalari yarim final yo'llanmasi uchun bahslarga kirishishgandi. Guruh bosqichi yakuniga ko'ra Toshkent viloyati terma jamoasi birinchi, Buxoro viloyati vakillari esa ikkinchi o'rinni qo'lga kiritishdi. Aynan dastslabki o'rinlarni egallagan terma jamoalar kurashni yarim finalda davom ettirishga muvaffaq bo'lishdi. Yarim final uchrashuvlar esa bugun bo'lib o'tdi. Final yo'llanmasi uchun yoshlarimiz Buxoro viloyati vakillariga qarshi maydonga tushishdi. Uchrashuv davomida tarbiyalanuvchilarimiz raqibga qaraganda faolroq tarzda to'p surib, yakunda 5:1 hisobidagi g'alabani qo'lga kiritishdi. Ikkinchi yarim finalda Xorazm va Toshkent viloyati o'smirlari o'zaro bahs olib borishdi. O'yinda 1:0 hisobidagi g'alabani qo'lga kiritgan xorazmliklar ham finalda qatnashish huquqini qo'lga kiritishdi. Musobaqaning hal qiluvchi o'yini ertaga soat 10.30da boshlanadi.