Oybek Qilichev: "Paxtakor"ning yo'qotishlari bizni qiziqtirmaydi"

- "SHo'rtan" bilan kechgan o'yin Sizda qanday taassurot qoldirdi?
- G'uzorliklarga qarshi uchrashuv qiyin juda qiyin o'tdi. "Navbahor"ga qarshi hozirda barcha jamoalar puxta tayyorgarlik ko'rishmoqda. SHuning uchun har bir o'yinimiz og'ir o'tmoqda. Bu jixat uchrashuv hisobiga ham tasir o'tkazmoqda. Etibor bersangiz, g'alabalarimiz minimal 1:0 yoki 2:1 hisobida bo'lmoqda. "SHo'rtan" ham bizga qarshi yaxshi tayyorgarlik ko'rganini maydonda ko'rsatdi. Jamoa bejizga "SHo'rtan" va "Paxtakor"ni mag'lubiyatga uchratmagan. Ushbu o'yinda bizni qo'llab-quvvatlagan muxlislarimizga raxmat aytaman. Ular bizga o'z daldalari bilan qo'shimcha kuch bag'ishlab turishdi. Murabbiyning ko'rsatmalarini ham g'alabaning omillaridan biri sifatida ko'rsatgan bo'lardim. Keyingi o'yinlarda ham oldimizga faqat g'alabani maqsad qilgan xolda yanada yuqori o'rinlarga ko'tarilishni istaymiz. Niyatimiz - mavsumni kuchli uchlikda yakunlash.

- Uchrashuv taqdirini xal qiluvchi golga muallif bo'ldingiz. "SHo'rtan" darvozasini ishg'ol etishni sezganmidingiz?
- To'risini aytsam, bunday jarima nuqtalaridan mashg'ulotlarda ham zarba yo'llab turaman. Yaqin masofadan jarima zarbasi belgilansa ko'proq o'zim amalga oshiraman.

- "Paxatkor"da "Navbahor"ga qarshi o'yin oldidan uchta yo'qotish bor. Lobanov, Tojiev va Hoshimovlar maydonga tushishmaydi. Ushbu yo'qotishlar "navbahorchilar"ga qo'l keladimi?
- Bizni raqibimizning qizil kartochka olgan yoki diskvalifikaciya bo'lgan o'yinchilari qiziqtirmaydi. Raqib kim bo'lishidan qatiy nazar biz o'zimizni nimalarga qodirligimizni ko'rsatamiz. Albatta "Paxtakor"ga ham qarshi bahsda oldimizga faqat g'alabani maqsad qilib maydonga tushamiz. Yana qaytaraman, "sherlar"ning yo'qotishlari bizni qiziqtirmaydi.