Kiko Zuniga Samarqandga tashrif buyurdi
/ Kiritdi: BestMaster O'qilgan: 801
Bir hafta davomida "JFL Tashkent"da mashg'ulot o'tkazib, murabbiylarning malakasini oshirishda yordam bergan "Real Sosedad"ning sobiq futbolchisi Kiko Zuniga kecha Samarqandda bo'ldi.
Madridning "Atletiko"si bilan U13 va U14 o'rtasida chempionlikni qo'lga kiritgan murabbiy Samarqandga tashrif davomida O'zbekistonning tarixiy obidalari bilan yaqindan tanishdi. Ayniqsa, ota - bobolarimiz tomonidan bunyod etilgan, butun dunyo tarixchilarining diqqat markazida bo'lib kelayotgan Registonga tashrif uni hayratga soldi.
"Dinamo"da ish yo'qmi deya hazillashib, o'zini Samarqandda qolish ixtiyori borligini jilmayib aytgan Kiko kechga yaqin, "Umid" bolalar futbol jamoasida master klass o'tkazdi. Jamoa murabbiyi Umid Xatamov bilan tashkil qilingan tadbirda shaharning BO'SM-2 klubi ham qatnashdi. Tadbir davomida, viloyat FF birinchi Vice-prezidenti, SHuhrat Sayfullaev. Viloyat Bolalar sportini rivojlantirish jamg'armasi rahbari, hamda BO'SM-2 direktori, Behzod Po'latov ham ishtirok etdilar.
"Ochig'ini aytaman, Samarqandni bunday go'zal shahar deb o'ylamagan edim. Tarixiy kinolarda bir-ikki og'iz Samarqand nomini tilga olib ketishlarini ko'rganman. Ammo uni o'z ko'zim bilan ko'rish juda boshqacha bo'ldi. O'zbekistonda bolalar futbolini rivojlantirish kabi masuliyatli ishda men ham qatnashayotganimdan xursandman", - deydi Kiko Zuniga.
Bosh sahifaga
1981