Vodiy birinchiligi g'olibi aniqlandi
/ Kiritdi: BestMaster O'qilgan: 1004
Avval xabar berib o'tganimizdek, Farg'onada mini-futbol bo'yicha vodiy birinchiligi musobaqasi bo'lib o'tdi.
Farg'ona viloyati mini-futbol associaciyasi tomonidan tashkil etilgan mazkur turnirda vodiyning 11 ta jamoasi ishtirok etdi. Har yakshanba kunlari o'tkazilgan o'yinlarda Farg'ona, Andijon, Namangan, Marg'ilon shahridan ikkitadan jamoa, Oltiariq va Rishton tumanidan bittadan jamoa, shuningdek, “Neftchi” yoshlaridan tashkil topgan jamoalar qatnashishdi.
Musobaqaning final uchrashuvida Andijonning “KFK Andijon” va Marg'ilon shahri jamoalari to'qnash kelishdi.
Hal qiluvchi bahs kutilganidek murosasiz kurash ostida o'tdi. O'ynda raqibiga nisbatan biroz ustunlik qilgan andijonliklar 3:2 hisobida g'alaba qozonishdi va bosh sovrin egasiga aylanishdi.
A. Dehqonov.
Bosh sahifaga
231