Prevyu. “Neftchi” – “Olmaliq”

Quyida mazkur jamoalarning o'zaro o'yinlariga doir malumotlarni taqdim etamiz.

“Neftchi” va “Olmaliq” oliy ligada 18 marta to'qnash kelishgan. Ushbu o'yinlardan 10 tasida farg'onaliklar g'olib bo'lishgan. 3ta o'yin durang hisobida yakunlangan, “Olmaliq” hisobida 5ta g'alaba mavjud.

“Neftchi” shu kungacha o'zaro o'yinlarda “Olmaliq” darvozasiga 35ta to'p kiritgan, Toshkent viloyati klubi esa “Neftchi” darvozasiga 20 ta gol urgan. “Olmaliq”  o'zaro o'yinlarda 18 ochko ishlab olgan bo'lsa, “Neftchi” 33 ochkoni qo'lga kiritgan. “Neftchi”ning oliy ligada “Olmaliq” ustidan erishgan eng yirik g'alabasi 4:0 ni tashkil qiladi. “Olmaliq”ning yirik g'alabasi esa 3:0.

O'tgan mavsumda Olmaliq va Farg'onada bo'lib o'tgan bellashuvlarda maydon egalari g'alaba qozonishgan edi. “Neftchi”ning safardagi mag'lubiyatiga Ro'zimboy Ahmedov, Yaroslav Martinyuk hamda  Doniyor Ismoilovlar tomonidan kiritilgan gollar sabab bo'lgan bo'lsa, Farg'onada SHerzod Hakimovning dubli va Sardor Rahmonovning penaltidan urgan goli Andrey Fyodorov jamoasiga g'alaba keltirgan.

Farg'onada bo'lib o'tgan so'nggi besh o'yin natijasi quyidagicha yakunlangan:

27.09.2016 Neftchi – Olmaliq 3:1
07.06.2015 Neftchi – Olmaliq 3:1
16.05.2014 Neftchi – Olmaliq 2:1
14.09.2013 Neftchi – Olmaliq 4:0
21.11.2012 Neftchi – Olmaliq 4:2


Mazkur jamoalarning 19-raqobatiga Farg'ona shahri mezbonlik qiladi. Uchrashuv 29 aprel kuni  “Istiqlol” stadionida soat 17:00da start oladi. Yoshlar ligasi doirasidagi o'yin esa 16:30ga belgilangan.