Manchester derbisi haqida biz bilishimiz kerak bo'lgan 5 vaziyat

Ushbu bahsda gol kiritilmagan bo'lsada, maydon va uning atrofida bir qancha qiziqarli voqealar bo'lib o'tdi. Uchrashuvdagi eng qiziq 5 vaziyatni etiboringizga havola qilamiz.

Lingard diplomat

Maruan Fellaynining qizil kartochkasi ahmoqona ravishda ishlab olindi. Agueroga boshi bilan zarba bergan belgiyalik to'g'ridan-to'g'ri chetlatildi. Hakamning qaroridan g'azab otiga mingan Maruan Fellayni argentinalikdan o'ch olishga urindi, ammo uning jamoadoshi Belgiya terma jamoasi yarim himoyachisini tinchlantirib, maydonni tark etishga ko'ndira oldi.

"Siti" muxlisasi ofsayd bayroqchasini ko'rmadi

Bahsning asosiy vaqtiga qo'shib berilgan ilk daqiqasida Gabirel Jezus bosh bilan David de Xea darvozasini ishg'ol qildi, ammo braziliyalik o'yindan tashqari holatda edi. O'yin bosh hakami Martin Atkinson bayroqchani payqashi uchun bir necha soniya kerak bo'ldi va u xushtagini chalib, gol hisobga olinmaganini ko'rsatdi. Biroq bahsga tashrif buyurgan "shaharliklar" muxlislaridan biri golni katta xursandchilik bilan nishonlashga tushib ketdi. Bir necha soniya o'tib uning yonidagi ishqiboz ayolni to'xtatdi va hakamni ko'rsatib, gol hisobga olinmaganini aytdi.

Manchester derbisida Venger muhokamasi

Arsen Venger taqdiri London shimolidagilar uchun qiziq mavzu. Ammo Manchester derbisiga tashrif buyurganlar orasida ham franciyalik mutaxassisning kelajagiga qiziqadiganlar borligi aniqlandi.

Manchester derbisidan oldin bir ishqiboz juda g'alati yozuvli futbolka bilan o'yinga tashrif buyurdi. "Wengerin.com (Venger qolsin), Manchester uchun eng yaxshi natija" deb yozilgan edi. Uchrashuv vaqtida ham kichik samolyot "Wengerin.com" yozuvi bilan stadion ustidan parvoz qildi.

Sardor yana zaxirada qoldi

Manchester derbisidan oldin "Manchester Yunayted" sardori va hujumchisi Ueyn Runi juda yaxshi kayfiyatda edi. U xatto "SkySports" kameralariga qarab hozir ham yuqori darajada o'ynay olishini aytdi.

"Byornli"ga qarshi bahsda (2:0) gol urgan Runi Manchester derbisida maydonga tushishga umid qilgan edi, ammo bunday bo'lmadi.

Mourino qaroriga ko'ra, Runi uchrashuvni zaxirada boshladi va uni o'sha erda tugatdi.

Juda yaqin kamera, juda yaqin

Kameralar hech qachon Joze Mourinoga bunchalik yaqin kelmagan. Mourino "Siti" muxlisi bilan suratga tushish uchun tribunaga o'tdi va ishqibozning niyatini amalga oshirdi. U maydonga qaytayotganda telekamera unga juda yaqin keldi, biroq mutaxassis hech qanday reakciyasiz yo'lida davom etdi.