Ayollar o'rtasida U-19 Osiyo chempionatiga qura tashlandi
/ Kiritdi: BestMaster O'qilgan: 981
Malayziya poytaxti Kuala-Lumpur shahridagi OFK shtab-kvartirasida bugun, 28 aprel kuni ayollar o'rtasidagi U-19 Osiyo chempionatiga qura tashlash marosimi bo'lib o'tdi.
Osiyo chempionatida jami 8 mamlakat terma jamoasi 2 guruhga bo'lingan holda ishtirok etadi. Qura natijasiga ko'ra, O'zbekiston U-19 qizlar termasi Xitoy, KXDR hamda Tailand terma jamoalari bilan “A” guruhidan joy oldi. Musobaqaning “B” guruhida Yaponiya, Janubiy Koreya, Avstraliya hamda Vetnam termalari o'zaro kuch sinashadigan bo'ldi.
Osiyo chempionati shu yilning 14–28 oktyabr kunlari Xitoyda bo'lib o'tadi. Musobaqa reglamentiga ko'ra, guruhlarda 1–2 o'rinlarni egallagan jamoalar yarim finalga chiqadi.
Turnir yakunida 1–3 o'rinlarni band qilgan terma jamoalar 2018 yili Franciyada bo'lib o'tadigan ayollar o'rtasidagi U-20 Jahon chempionatiga yo'l oladi.
Bosh sahifaga
728