Andrey Miklyaev: "Bikmaev jamoamizning haqiqiy etakchisiga aylandi"

"Tarkibda o'zgarishlarni amalga oshirdik. So'nggi oyda juda ko'plab o'yinlar o'tkazdik. Bu jamoa o'tgan mavsumda bu erda biz bilan durangga erishib qaytgandi shu bois xavf kutgandik. Bundan tashqari "Obod" bu mavsum juda kam gol o'tkazayotgandi. O'yin yoqdi, yigitlarga rahmat aytaman. O'yin rahbariyatga ham, murabbiylarga ham, futbolchilarga ham yoqdi.

- Nima uchun "Loko" OCHLda shunday o'ynamaydi?
- Sababi raqiblar imkon berishmaydi. Har bir jamoa raqibi imkoniyat berganichalik o'ynaydi. "Obod" imkoniyat berdi va g'alaba qozondik.

- "Obod" dastlabki 20 daqiqada tashabbusga ega bo'ldi.
- Tarkibda yosh futbolchilar juda ko'p, ularda ishtiyoq kuchli. Ammo butun o'yinga kuchlari etmayapti.

- Bu mavsum kim jamoa etakchisi deb o'ylaysiz? Bikmaevmi yoki Masharipovmi?
- O'tgan yil Abduxoliqov borligida Bikmaev kam maydonga tushardi. Bu yil esa u jamoaning haqiqiy etakchisiga aylandi.

- Nima uchun Krizo maydonga tushmayapti...
- Sababi u bizni qoniqtirmayapti. U mashg'ulotlarda kam ishlayapti. Agar Bobojonov undan ikki baravar ko'proq yugursa nima uchun Krizoni tushirishimiz kerak? Unga mashg'ulotlarda yanada ko'proq ishlashini aytayapmiz.