"Olmaliq": Noxush anana yakun topdi
/ Kiritdi: BestMaster O'qilgan: 742
O'zbekiston milliy chempionati oliy ligasida 2008 yildan buyon ishtirok etib kelayotgan jamoamiz bu yil elitada o'zining 10-mavsumini o'tkazmoqda.
O'tgan yillar davomida “Olmaliq” kuchlilar safida munosibligini o'z o'yinlarida namoyon etmoqda. 2016 yilgi mavsumdagi qoniqarsiz natijalarni hisobga olmaganda, jamoa har mavsum yuqori natijalar uchun kurashadigan jamoalarga “boshog'riq” vazifasini o'tardi. Jamoa ortda qolgan 9 mavsumda bir qator ijobiy natijalarga erishgan. “Olmaliq” ayniqsa o'z maydonida har qanday raqibni qiyin ahvolga solib qo'yishi bilan muxlislarda yaxshi xotiralar qoldirgan. Statistikaga murojaat etadigan bo'lsak, 2008 yildan boshlab konchilar elitada raqib bo'lgan qilgan barcha jamoani o'z maydonida mag'lub eta olgan. Biroq, jamoaning safar uchrashuvlarida bu statistika borasida bazi noxush ananalari mavjud. Kecha Farg'ona shahrida bo'lib o'tgan bahsda mana shu noxush anananing biri barham topdi. “Olmaliq” elitada o'ninchi mavsumga kelib Farg'onadan ochko olishga muvaffaq bo'ldi. Bungacha bo'lib o'tgan 9 uchrashuvning barchasida mezbonlar g'olib chiqishgan. Etiborlisi, kecha jamoamiz g'alaba qozonishi ham mumkin edi. Afsuski, so'nggi o'n daqiqalikda mezbonlar penaltidan gol kiritishdi va mag'lubiyatdan qutulib qolishdi.
Jamoamizning safar o'yinlarida qayd etgan ko'rsatkichlari hozircha ijobiy emas. Darvoqe, shu turga qadar mehmonda jamoamizga ochko olishga yo'l bermagan yagona jamoa “Neftchi” bo'lib turgandi. “Olmaliq” bu seriyani to'xtatishga erishdi.
Mehmonda o'tgan o'yinlarda ochko olish borasida “Olmaliq”ning umumiy ko'rsatkichi quyidagicha:
Jamoa | O' | G' | D | M | T-N | O |
Buxoro | 9 | 4 | 0 | 5 | 11-9 | 12 |
Navbahor | 9 | 3 | 3 | 3 | 12-14 | 12 |
Andijon | 8 | 3 | 1 | 4 | 15-13 | 10 |
Dinamo | 8 | 2 | 2 | 4 | 6-10 | 8 |
Paxtakor | 9 | 1 | 2 | 6 | 5-14 | 5 |
SHo'rtan | 8 | 0 | 4 | 4 | 11-17 | 4 |
Qizilqum | 9 | 1 | 1 | 7 | 11-20 | 4 |
Qo'qon-1912 | 2 | 1 | 0 | 1 | 2-2 | 3 |
Obod | 2 | 1 | 0 | 1 | 1-2 | 3 |
So'g'diyona | 8 | 0 | 3 | 5 | 9-16 | 3 |
Xorazm | 2 | 0 | 2 | 0 | 2-2 | 2 |
Nasaf | 9 | 0 | 2 | 7 | 9-21 | 2 |
UzDongJu | 1 | 0 | 1 | 0 | 0-0 | 1 |
Guliston | 1 | 0 | 1 | 0 | 0-0 | 1 |
Mashal | 8 | 0 | 1 | 7 | 5-14 | 1 |
Metallurg | 9 | 0 | 1 | 8 | 16-26 | 1 |
Bunyodkor | 9 | 0 | 1 | 8 | 6-21 | 1 |
Lokomotiv | 9 | 0 | 1 | 8 | 5-25 | 1 |
Neftchi | 10 | 0 | 1 | 9 | 9-30 | 1 |
130 | 16 | 27 | 87 | 135-256 | 75 |
Bosh sahifaga
1954