"Oq-tepa". Ikkinchi uchrashuvda ham g'alaba
/ Kiritdi: BestMaster O'qilgan: 757
Toshkent shahar chempionatini yirik g'alaba bilan boshlagan jamoamiz ikkinchi turda ham o'z hisobiga uch ochko yozib qo'ydi.
"SHayxontohur" jamoasiga qarshi o'z maydonida rasman mehmon sifatida o'ynagan "Oq-tepa" raqib darvozasini ikki bor ishg'ol qildi. Aniqrog'i, bir golga mezbonlarning o'zlari mualliflik qilgan bo'lsa, yana bir golni Abdukarimov o'z hisobiga yozib qo'ydi. SHu tariqa Yaroslav Krushelnickiy boshchiligidagi jamoamiz ikkinchi uchrashuvda ham o'z darvozasi dahlsizligini saqlagan holda g'alabaga erishdi.
"Oq-tepa" 3-tur uchrashuvini o'z maydonida "Vulqon"ga qarshi o'tkazadi. O'yin 3 may kuni soat 17:00da "Oq-tepa" maydonida start oladi.
TOSHKENT SHAHAR CHEMPIONATI
SHAYXONTOHUR - OQ-TEPA - 0:2
28 aprel. Toshkent. "Oq-tepa" maydoni.
Bosh hakam: J.Abdurazzoqov.
"Oq-tepa": Rustam Dadaboev (Mixail Kaplan), Sergey Uvarov, Firdavs Kenjaev (Islom Ortiqov), Abdulaziz Ashrafxonov (Irisdavlat Hakimov), Abdulloh Zikrillaev (Zikrillo Omonov), Abduvohid Abdukarimov (Jahongir Ismoilov), Haitov (Temur Hakimov), SHahboz Tojiev, Olmos Fayziev, Islomjon Yo'ldoshev, Izzatilla To'lqinov.
Gollar: Abduvohid Abdukarimov.
"Oq-tepa" FK matbuot xizmati
Bosh sahifaga
88