“Bunyodkor-2003” Rossiyadagi turnir g'olibi!
/ Kiritdi: BestMaster O'qilgan: 1008
Toshkentning “Bunyodkor” futbol maktabining 2003 yilda tavallud topgan futbolchilari Rossiyadagi xalqaro turnirda g'olib chiqishdi.
24-29 aprel kunlari Rossiyaning Nijnekamsk shahrida Aleksandr Vinnikov xotirasiga bag'ishlab ananaviy turnir tashkil etildi. Musobaqada jami 10ta jamoa ikki guruhga bo'lingan holda bosh sovrin uchun kurash olib borishdi.
Alisher Ibrohimov va Baxtiyor Jo'raev murabbiyligidagi tarbiyalanuvchilarimiz guruh bosqichida “Nefteximik” (Nijnekamsk), “Sizran-2003” (Sizran), “Ufa-2003” (Ufa) va “Spartak” (Yoshkar-Ola) jamoalaridan usun kelishib, finalga yo'llanma olishdi. Turnirning hal qiluvchi bahsida ikkinchi guruhda g'olib chiqqan Qozon U-14 terma jamoasi bilan kuch sinashildi. Qiziqarli kechgan bahsda vakillarimiz 2:0 hisobida zafar quchishib, g'oliblikni qo'lga kiritishdi.
Ushbu muvaffaqiyat bilan “Bunyodkor-2003” murabbiylari Alisher Ibrohimov va Baxtiyor Jo'raevni muborakbod etamiz.
Bosh sahifaga
222